اسلام آباد کے بعد پنجاب حکومت نے لاہور میں بھی فوج طلب کر لی ہے۔ دستاویزات کے مطابق پنجاب حکومت نے وفاقی حکومت سے فوج تعینات کرنے کی استدعا کی ہے۔ صوبے کے 6 اضلاع میں پاک فوج کو طلب کیا گیا ہے، اور فوج حساس عمارتوں، ائیرپورٹس اور دیگر اہم مقامات کا کنٹرول سنبھالے گی۔
محکمہ داخلہ پنجاب نے وفاق کو پاک فوج کی تعیناتی کے لیے خط بھی لکھ دیا ہے۔ گزشتہ روز اسلام آباد میں بھی فوج کو تعینات کیا گیا تھا، جس سے ظاہر ہوتا ہے کہ سیکیورٹی کی صورتحال کو کنٹرول کرنے کے لیے اقدامات کیے جا رہے ہیں۔
