پیٹرولیم مصنوعات کی قیمتوں میں 22 روپے فی لیٹر کمی کا اعلان،
جماعت اسلامی نے کمی کا یہ اعلان مسترد کر دیا، 22 روپے نہیں 122 روپے فی لیٹر کمی کا اعلان کیا جائے، پی ڈی ایل کو ختم کیا جائے، حافظ نعیم الرحمن،
اسلام آباد: وفاقی حکومت نے پیٹرولیم مصنوعات کی قیمتوں میں 22 روپے فی لیٹر کی بڑی کمی کا اعلان کر دیا، نوٹیفکیشن جاری ،
پیٹرولیم مصنوعات کی قیمتوں میں کی گئی کمی کے بعد پیٹرول کی نئی قیمت 381 روپے 78 پیسے فی لیٹر جبکہ ہائی سپیڈ ڈیزل کی نئی قیمت 380 روپے 78 پیسے فی لیٹر مقرر کی گئی ہے،
دوسری جانب جماعت اسلامی پاکستان کے امیر حافظ نعیم الرحمن نے پیٹرولیم مصنوعات کی قیمتوں میں 22 روپے فی لیٹر کمی کے اعلان کو مسترد کر دیا،
انھوں نے اپنے ایکس پر جاری پیغام میں کہا کہ پٹرول کی قیمت میں 22 روپے نہیں فوری طور پر 122 روپے کمی کی ضرورت ہے ۔ حافظ نعیم الرحمن نے کہا کہ عالمی مارکیٹ میں پیٹرولیم مصنوعات کی قیمتیں گر رہی ہے،
انھوں نے کہا کہ لیوی کا مکمل خاتمہ بھی ہونا چاہیے۔اور حکومت 250 روپے فی لیٹر پٹرول کی سطح کو بحال کرے۔
حافظ نعیم الرحمان نے کہا کہ اگر حکومت 250 روپے دو سال کے لیے زیادہ سے زیادہ قیمت ڈیکلئیر کردے تو معیشت میں تیزی اور آمدن کے اہداف پورے ہونے لگیں گے۔
انھوں نے کہا کہ ٹیکس جمع کرنے کے لیے پٹرولیم لیوی کا استعمال عوام کی جیب پر ڈاکا بھی ہےاور معیشت کی بربادی کا سامان بھی۔
انھوں نے کہا کہ آئی ایم ایف کو واضح انکار کرنے کی ضرورت ہے۔
جبکہ جماعت اسلامی مہنگائی اور قیمتوں میں اضافے کے خلاف اپنی تحریک جاری رکھے گی۔
Please follow and like us:
