پاک آسٹریلیا سیریز؛ فیصلہ کُن معرکہ کل کھیلا جائے گا

لاہور۔پاکستان اور آسٹریلیا کے درمیان سیریز کا تیسرا اور فیصلہ کن میچ کل (اتوار) کو کھیلا جائے گا۔

دونوں ٹیمیں پرتھ کے تاریخی کرکٹ گراؤنڈ میں آمنے سامنے آئیں گی، اور میچ پاکستانی وقت کے مطابق صبح 8:30 بجے شروع ہوگا۔

پاکستان اور آسٹریلیا کے درمیان سیریز اس وقت 1-1 سے برابر ہے۔

اس سے پہلے پاکستان نے گزشتہ روز 28 سال بعد ایڈیلیڈ میں آسٹریلیا کو 9 وکٹوں سے شکست دے کر تاریخی فتح حاصل کی تھی۔

پہلے ون ڈے میں آسٹریلیا نے پاکستان کو ایک سنسنی خیز مقابلے کے بعد 2 وکٹوں سے شکست دی تھی۔