جاری ہفتے میں پیٹرول 10 روپے 39 پیسے، ڈیزل 10 روپے 50 پیسے فی لیٹر مہنگا
اس ہفتے کے دوران پیٹرول کی قیمت میں اضافے کا سلسلہ جاری رہا، ڈیزل کی قیمت میں ایک دن بڑی کمی کی مگر بقیہ دنوں میں اضافہ جاری رہا۔
اسلام آباد: جنگ امریکہ اور ایران کی اور سختی پاکستانی عوام کی جو مسلسل پیٹرولیم مصنوعات کی قیمتوں میں اضافے کی چکی میں پس رہی ہے، اور اس کا کوئی پرسان حال نہیں۔
اس ہفتے کے دوران پیٹرول کی قیمت میں اضافے کا سلسلہ جاری رہا اور گذشتہ چار دنوں میں حکومت نے پیٹرول کی قیمت 10 روپے 39 پیسے فی لیٹر اضافہ کر کے نیا ریکارڈ قائم کیا،
اسی ہفتے کے دوران بدھ کے روز ڈیزل کی قیمت میں32 روپے 63 پسیے کی کمی کر کے بقیہ تین دنون میں 10 روپے 50 پیسے فی لیٹر کا اضافہ کر ڈالا ،
حکومت کی جانب سے جمعہ کے روز پیٹرول کی قیمت مین 3 روپے 81 پیسے اور ڈیزل کی قیمت میں 3 روپے 59 پیسے کا اضافہ کیا گیا،
اس اضافے کے بعد دونوں اشیا کی قیمتیں بلترتیب 341 روپے 59 پیسے اور 369 روپے 29 پیسے فی لیٹر مقرر کی گئیں ، یہ قیمتیں تین روز تک برقرار رہیں گی اور ان تین دنون عوام کو مہنگا ترین پیٹرول اور ڈیزل خریدنا پڑے گا،
جاری ہفتے کے دروان حکومت کی جانب سے منگل تا جمعرات کے پیٹرول کی قیمت میں بلتریتب 3 روپے 34 پیسے ، 2 روپے 97 پیسے اور 0.27 پیسے کا اضافہ کیا گیا
جبکہ ڈیزل کی قیمت میں منگل کے روز 5 روپے 27 پیسے اور جمعرات کو 1 روپے 64 پیسے فی لیٹر کا اضافہ کیا گیا،اور ایک روز (بدھ) کے لیے 32 روپے 63 پیسے کی کمی کر کے حکومت نے بقیہ تین دنون میں 10 روپے 39 پیسے واپس لے لیے،
عوام اس صورتحال میں پریشان ہیں جن کا کوئی پرسان حال نہیں جنھیں حکومت کی ناقص اقتصادی پالیسیوں کی سزا پیٹرولیم مصنوعات کی قیمتوں میں اضافے کی صورت میں بھگتنی پڑ رہی ہے ،
