امریکہ،ایران امن معاہدہ،فیلڈ مارشل سید عاصم منیر ایران کے سرکاری دورہ پر روانہ۔
فیلڈ مارشل سید عاصم منیر دورہ ایران کے دوران ایران امریکہ بات چیت ،خطے میں قیام امن اور دیگر اہم امور پر بات چیت کرینگے،سیکیورٹی ذرائع
اسلام آباد:فیلڈ مارشل سید عاصم منیر ایران کے سرکاری دورہ پر روانہ ہو گئے ،
سیکیورٹی ذرائع کے مطابق فیلڈ مارشل سید عاصم منیر دورہ ایران کے دوران ایران امریکہ بات چیت ،خطے میں قیام امن اور دیگر اہم امور پر بات چیت کرینگے،
سیکیورٹی ذرائع کا کہنا ہے کہ دورے کے دوران فیلڈ مارشل سید عاصم منیر اہم اعلی ایرانی شخصیات سے ملاقات کرینگے،
واضح رہے کہ اردو نیوز انٹرنیشنل نے گذشتہ روز ہی فیلڈ مارشل کے دورہ ایران کی خبر بریک کی تھی اور اپنے قارئیں کو بتایا تھا کہ فیلڈ مارشل سید عاصم منیر کے جلد ایران کے دورے پر روانگی کا قوی امکان ہے،
ماہرین کے مطابق فیلڈ مارشل کا دورہ مذاکرات میں ٹھوس پیش رفت اور معاہدے کے حتمی متن کی تیاری کی نوید ہو سکتا ہے اور اس بات کا امکان ظاہر کرتا ہے کہ امریکہ اور ایران کسی متفقہ مسودے کے قریب پہنچ چکے ہیں،
فیلڈ مارشل کے دورہ ایران کے نتیجے میں خطے میں امن کے قیام اور امریکہ ایران کے درمیاں معاہدے کے حوالے سے کوئی اچھی خبر سامنے آ سلتی ہے ،
یاد رہے کہ وزیر داخلہ محسن نقوی پہلے ہی ایران میں موجود ہیں جو ایرانی حکام کے ساتھ معاہدے کے نکات پر اتفاق رائے کے لیے بات چیت جاری رکھے ہوئے تھے،
یہاں یہ بات بھی قابل ذکر ہے کہ خطے کو جنگ کی تباہی سے بچانے اور امریکہ و ایران کو مذاکرات کی میز پر لانے کے لیے پاکستان کی جانب سے ثالثی کا کردار موثر رہا ،
دونون ملک امریکہ اور ایران آپس میں پاکستان کے ذریعے ہی اپنی تجاویز کا ایک دوسرے کے ساتھ تبادلہ کرتے رہے جبکہ دنیا کے بیشترممالک نے پاکستان کے ثالث کردار کو موثر اور ٹھوس قرار دیا ،
