جنوبی افریقہ کو تیسرے ون ڈے میں شکست، پاکستان نے سیریز اپنے نام کر لی

 فیصل آباد: پاکستان نے تیسرے اور فیصلہ کن ون ڈے میں جنوبی افریقہ کو 7 وکٹوں سے شکست دے کر تین میچوں کی سیریز 2-1 سے جیت لی۔ میچ فیصل آباد کے اقبال اسٹیڈیم میں کھیلا گیا۔

مہمان ٹیم نے ٹاس جیت کر پہلے بیٹنگ کا فیصلہ کیا، لیکن یہ فیصلہ کامیاب ثابت نہ ہوا۔ پوری جنوبی افریقی ٹیم 37 ویں اوور میں 143 رنز پر آؤٹ ہو گئی۔ کوئنٹن ڈی کوک نے سب سے زیادہ 53 رنز بنائے جبکہ یوہان ڈی پریٹوریس نے 39 رنز کی اننگز کھیلی

پیٹر اور میتھیو برٹزکی نے 16-16 رنز بنائے۔ پاکستان کی جانب سے ابرار احمد نے 4 کھلاڑیوں کو آؤٹ کیا جبکہ شاہین آفریدی، سلمان آغا اور محمد نواز نے 2-2 وکٹیں حاصل کیں۔

پاکستان نے 144 رنز کے ہدف کو 26 ویں اوور میں صرف 3 وکٹوں کے نقصان پر حاصل کر لیا۔ صائم ایوب نے شاندار 77 رنز کی اننگز کھیلی، بابر اعظم نے 27 رنز بنائے جبکہ محمد رضوان 32 اور سلمان آغا 5 رنز بنا کر ناٹ آؤٹ رہے

جنوبی افریقہ کے خلاف تیسرے میچ میں بہترین کارکرگی پر اسپنر ابرار احمد کو مین آف دی میچ قرار دیا گیا ہے۔

Please follow and like us: