وزیراعظم شہباز کی چینی ہم منصب لی چیانگ سے ملاقات، چین کے ترقیاتی ماڈل سے سیکھنے کی خواہش کا اظہار،  

وزیراعظم شہباز شریف کی بیجنگ میں چینی ہم منصب لی چیانگ سے ملاقات چین کو شنگھائی تعاون تنظیم کے سربراہی اجلاس کی کامیاب میزبانی پر مبارکباد پیش وزیر اعظم کی جانب سے چین کے ترقیاتی ماڈل سے سیکھنے کی خواہش کا اظہار  

وزیر اعظم آفس سے جاری اعلامیے کے مطابق ملاقات میں طے پایا کہ  پاکستان جلد چینی کیپیٹل مارکیٹ میں پانڈا بانڈز جاری کرے گا، ملاقات میں سی پیک کے تحت ایم ایل ون، قراقرم ہائی وے کی ری الائمنٹ اور گوادر پورٹ کے جلد نفاذ پر زور دیا گیا۔
۔اعلامیے میں بتایا گیا کہ بی ٹو بی انویسٹمنٹ کانفرنس میں 300 پاکستانی اور 500 چینی کمپنیوں نے شرکت کی جس میں زراعت، معدنیات، ٹیکسٹائل، صنعت اور آئی ٹی کو سرمایہ کاری کیلئے ترجیحی شعبے قرار دیا گیا۔
جبکہ سی پیک فیز 2 بشمول 5 نئے کوریڈورز پرتفصیلی غور و خوص کیا گیا اور تیزی سے کام کرنے پر بھی اتفاق کیا گیا
وزیراعظم شہباز شریف نے پاکستان کی خودمختاری اور ترقی میں حمایت پر چین کا شکریہ ادا کیا اور صدر شی جن پنگ کے عالمی اقدامات کی بھرپور حمایت کا اعادہ کیا۔
اعلامیے کے مطابق ملاقات میں جوائنٹ ایکشن پلان 29-2024 پر دستخط کو اہم سنگِ میل قرار دیا گیا، دونوں رہنماؤں نے سائنس و ٹیکنالوجی، آئی ٹی، میڈیا اور زراعت سمیت کئی معاہدوں کی تقریب میں شرکت کی۔
دونوں رہنماؤں نے آئندہ سال پاک چین سفارتی تعلقات کی 75ویں سالگرہ شایانِ شان طریقے سے منانے پر اتفاق کیا گیا۔

دورہ مکمل کرنے کے بعد وزیر اعظم شہباز شریف چین سے پاکستان کے لیے واپس روانہ ہو لیے ۔

Please follow and like us: