اسلام آبا د(یو این آئی)ایف آئی اے اسلام آباد زون نےسپریم کورٹ کے احکامات کی روشنی میں بڑی کارروائیوں کے دوران اربوں روپے کی کمرشل پراپرٹی واگزار کرالی
تفصیلات کے مطابق ڈائریکٹر ایف آئی اے اسلام آباد زون کی ہدایت پر ڈپٹی ڈائریکٹر اینٹی کرپشن سرکل اسلام آباد محمد افضل خان نیازی کے زیر نگرانی چھاپہ مار کاروائیاںجاری ہیں
گزشتہ 3 ماہ کے دوران راولپنڈی ریجن میں واقع متروکہ وقف املاک بورڈ کی اربوں مالیت کی کمرشل پراپرٹی وگزار کروا لی گئی
چھاپہ مار ٹیموں میں اسسٹنٹ ڈائریکٹر وسیم عباس، اسسٹنٹ ڈائریکٹر چوہدری کوثر اور اے ایس آئی مظہر شاہ شامل ہیں
سپریم کورٹ از خود نوٹس کے احکامات کی روشنی میں ایف آئی اے اینٹی کرپشن سرکل اسلام آباد نے کاروائیاں کیں۔
وگزار کروائی گئی پراپرٹی مجموعی طور پر 112 ایکڑ 9 کنال اور 14 مرلہ پر مشتمل ہے
پراپرٹی کی مالیت 6 ارب 40 کروڑ 2 لاکھ 90 ہزار سے زائد ہے،کاروائیاں اٹک، فتح جھنگ اور راولپنڈی کے مختلف مقامات پر عمل میں لائی گئی
راولپنڈی ریجن سے 15 ایکڑ 3 کنال اور 2 مرلہ کی جائیدادیں وگزار کروائیں گیں
جس کی مالیت 5 ارب 45 کروڑ 9 لاکھ ہے جبکہ حسن ابدال سے 97 ایکڑ 6 کنال اور 12 مرلہ کی جائیداد واپس لی گئی ہے جس کی مالیت 589.390 ملین ہے۔
کاروائیوں میں ضلع انتظامیہ اور مقامی پولیس سے بھی معاونت لی گئی۔وگزار کروائی گئی پراپرٹی متروکہ وقف املاک حکام کے حوالے کر دی گئی
ترجمان کے مطابق سپریم کورٹ کے احکامات کی روشنی میں قابض شدہ پراپرٹی کو وگزار کروانے کےلئے تمام تر وسائل کو بروئے کار لایا جا رہا ہے،بلا امتیاز کاروائیاں جاری رکھی جائیں گی۔
