لاہور۔عالمی شہرت یافتہ امریکی گلوکارہ اور اداکارہ سیلینا گومز نے اپنی منگنی کا اعلان کر دیا۔غیر ملکی میڈیا رپورٹس کے مطابق، 32 سالہ سیلینا گومز نے اپنے بوائے فرینڈ اور ہالی ووڈ کے مشہور میوزک ڈائریکٹر بینی بلانکو سے منگنی کرلی ہے۔
سیلینا نے اپنی منگنی کی انگوٹھی اور اپنے منگیتر کے ساتھ بنائی گئی تصاویر فوٹو اینڈ ویڈیو شیئرنگ ایپ انسٹاگرام پر شیئر کرتے ہوئے اپنے مداحوں کو یہ خوشخبری دی۔
سیلینا گومز نے پوسٹ کے کیپشن میں لکھا، "ہمیشہ کا آغاز اب ہوگیا ہے”، اور کمنٹس میں بینی بلانکو نے گلوکارہ کو اپنی "اہلیہ” کہہ کر مخاطب کیا ہے۔
سیلینا گومز کے مداحوں اور ساتھی فنکاروں کی جانب سے انہیں مبارک باد دی جا رہی ہے اور ان کے لیے نیک خواہشات کا اظہار بھی کیا جا رہا ہے۔
Please follow and like us:
