اسلام آباد(یو این آئی) صدر مملکت آصف علی زرداری اور وفاقی وزیر داخلہ محسن نقوی نے اپنی تنخواہیں نہ لینے کا فیصلہ کیا ہے۔
جاری بیان کے مطابق صدر ِمملکت نے فیصلہ درپیش معاشی چیلنجز کے پیش ِنظر کیا۔صدر آصف زرداری کے فیصلے کا مقصد ملک میں دانشمندانہ مالیاتی انتظام کی حوصلہ افزائی کرنا ہے۔
صدر مملکت نے قومی خزانے پر بوجھ نہ ڈالنے کا فیصلہ کرتے ہوئے تنخواہ نہ لینے کو ترجیح دی
دوسری طرف وفاقی وزیر داخلہ محسن نقوی نے کہا کہ الحمدللہ، وفاقی وزیر داخلہ کی حیثیت سے قوم کی خدمت کرنے کا اعزاز حاصل ہوا۔
اس مدت کے دوران اپنی تنخواہ نہ لینے کا فیصلہ کیا ہے۔ اس مشکل وقت میں، ہر ممکن طریقے سے اپنی قوم کی خدمت کے لیے پرعزم ہوں۔
Please follow and like us:
