پاکستان اور انگلینڈ کے درمیان دوسرے ٹیسٹ میچ کا پہلا دن، میزبان مشکلات سے دوچار
پاکستان کی جانب سے محمد عباس کی شاندار باولنگ ، چار وکٹیں حاصل کیں انگلینڈ نے 9 وکٹوں پر 248 رنز بنا لیے، بارش کے باعث صرف 56 اوورز کا کھیل ہو سکا۔
لارڈز: لارڈز میں پاکستان اور انگلینڈ کے درمیان دوسرے ٹیسٹ کے پہلے روز پاکستان نے شاندار باؤلنگ کا مظاہرہ کرتے ہوئے انگلینڈ کو مشکلات سے دوچار کر دیا۔
بارش اور خراب روشنی کے باعث صرف 56 اوورز کا کھیل ممکن ہوسکا اور دن کے اختتام پر انگلینڈ نے 9 وکٹوں کے نقصان پر 248 رنز بنائے۔
پاکستان کی جانب سے محمد عباس نے تباہ کن باؤلنگ کرتے ہوئے 4 وکٹیں حاصل کیں، جبکہ محمد علی نے 3 کھلاڑیوں کو آؤٹ کیا۔
عباس نے انگلش کپتان جو روٹ سمیت ٹاپ آرڈر کو مشکلات سے دوچار کیا۔ ایک موقع پر انگلینڈ صرف 80 رنز پر 4 وکٹیں گنوا چکا تھا۔
اس کے بعد جارڈن کاکس 55 اور جیمی اسمتھ 61 رنز کی ذمہ دارانہ اننگز کھیل کر انگلینڈ کو بحران سے نکالنے میں کامیاب رہے۔
دونوں نے چھٹی وکٹ کے لیے 67 رنز کی شراکت قائم کی۔ دن کے اختتام پر گس اٹکنسن 34 رنز پر ناٹ آؤٹ تھے۔
پاکستان نے ٹاس جیت کر پہلے فیلڈنگ کا فیصلہ کیا تھا، جو ابتدائی مرحلے میں انتہائی مؤثر ثابت ہوا۔
بارش سے متاثرہ پہلے روز کے اختتام پر پاکستان کو واضح نفسیاتی برتری حاصل ہے، تاہم انگلینڈ کی نویں وکٹ تک مزاحمت نے میچ کو دلچسپ بنا دیا ہے۔
:پہلے دن کا سکور۔
انگلینڈ: 248/9، 56 اوورز،محمد عباس: 4 وکٹیں،محمد علی: 3 وکٹیں،جیمی اسمتھ: 61 رنز،جارڈن کاکس: 55 رنز
