وزیر داخلہ محسن نقوی پھر ایران پہنچ گئے، ثالثی کی کوششوں میں غیر معمولی تیزی .
امریکہ نے ایران کو مزید تجاویز بھجوا دیں، تجاویز کا جائزہ لے رہے ہیں ، دھمکیوں سے پالیسیان تبدیل نہیں ہوں گی ایرانی وزارت خارجہ
اسلام آباد: امریکہ ، ایران تنازعے کے حل کے لیے پاکستان کی ثالثی کے حوالے سے جاری کوششوں میں تیزی ، وزیر داخلہ محسن نقوی دو دن کے وفقے کے بعد دوبارہ ایران چا پہنچے ، جہان ان کی ایران کے صدر اور دیگر اعلی حکومتی شخصیات سے مزید ملاقاتیں،
عرب میڈیا کے مطابق محسن نقوی کے دورے میں کسی بڑی پیش رفت کی صورت میں پاکستان سے ایک اور انتہائی اہم شخصیت کی بھی ایران روانگی متوقع ہے،
عرب میڈیا کا دعوی ہے کہ امریکہ ایران معاہدے کے متن کو حتمی شکل دینے کا کام تیزی سے جاری ہے،
ذرائع کا کہنا ہے کہ محسن نقوی امریکہ کی تجاویز کا ایک اور مسودہ لے کر ایران پہنچے ہیں جبکہ ایرانی وزارت خارجہ نے بھی امریکہ سے نئی تجاویز موصول ہونے کی تصدیق کر دی ہے،
ایرانی وزارت خارجہ کا کہنا ہے کہ امریکہ سے ملنے والی تجاویز کا جائزہ لیا جا رہا ہے ، وزارت کا مزید کہنا ہے کہ ہماری توجہ قومی مفادات کے حصول پر ہے ، دھمکیوں سے پالیسیوں پر کوئی اثر نہیں پڑے گا،
ایران کا مزید کہنا ہے کہ اس کی توجہ لبنان سمیت تمام محاذوں پر جنگ بندی کے خاتمے پر مرکوز ہے ،
جبکہ منجمد فنڈز کی بحالی اور ایرانی نیوی گیشن کے خلاف بحری قزاقی کو روکنا بھی ایران کا مقصد ہے،
ایرانی قیادت کے مطابق ہم نیک نیتی سے مذاکرات کر رہے ہیں، امریکی حکام بھی اپنی سنجیدگی ثابت کریں،
جبکہ ایران کو وارننگ دینا یا حتمی ڈیڈ لائن کی بات کرنا ہنسنے کے مترادف ہے،
دوسری جانب امریکی صدر کا کہنا ہے کہ ایران ڈیل کرے یا بری چیزوں کے لیے تیار ہوجائے،
عرب میڈیا کی جانب سے یہ بھی دعوی کیا جا رہا ہے کہ عید الاضحی کے بعد مذاکرات کا اگلا دور ہو سکتا ہے .
