بھارت کی اپنے شہریوں کو سفری ہدایات جاری،ایران کا سفر نہ کرنے کی تاکید۔

بھارت نے جمعرات کے روز ایک نئی سفری ہدایت جاری کرتے ہوئے اپنے شہریوں کو ایران کا سفر نہ کرنے کی سختی سے تاکید کی ہے، چاہے وہ فضائی راستے سے ہو یا زمینی۔

تہران میں بھارتی سفارت خانے نے اپنے تازہ بیان میں کہا ہے کہ خطے میں جاری کشیدگی کے باعث فضائی حدود پر پابندیاں اور آپریشنل مسائل بدستور موجود ہیں، جو ایران آنے جانے والی بین الاقوامی پروازوں کو متاثر کر رہے ہیں۔

سفارت خانے کے مطابق، اگرچہ بھارت اور ایران کے درمیان کچھ پروازوں کی بحالی کی اطلاعات ہیں، لیکن اس کے باوجود شہریوں کو ایران کا سفر کرنے سے گریز کرنا چاہیے۔

مزید برآں، ایران میں موجود تمام بھارتی شہریوں کو ہدایت دی گئی ہے کہ وہ سفارت خانے کے ساتھ رابطے میں رہتے ہوئے مقررہ زمینی سرحدی راستوں کے ذریعے جلد از جلد ملک چھوڑ دیں۔