وزیر داخلہ محسن نقوی اسلام آباد ٹاکس کے حوالے سے متحرک،ایرانی سفیر سے ملاقات۔
اتوار کو امریکی ناظم الامور سے بھی ملاقات کی، دونون ملاقاتوں میں مذاکرات کے انعقاد پر زور، اسلام آباد میں مزاکرات کی تمام تیاریاں مکمل ہیں ،
اسلام آباد: امریکہ اور ایران کی جانب سے ایک دوسرے کے خلاف جارحانہ بیانات، پاکستان مذاکرات کے انعقاد کے بارے میں متفکر،
وزیر داخلہ محسن نقوی کی مذاکرات کی امید برقرار رکھنے کے حوالے سے سرتوڑ کوششیں ، انھوں نے آج صبح امریکی ناظم الامور نیٹالی بیکر اور اس کے بعد ایرانی سفیر رضا امیری مقدم سے اہم ملاقات کی، دونون کو مذاکرات کی میز پر آنے اور عالمی امن کی خاطر بات چیت کے ذریعے معاملات کو حل کرنے کا مشورہ دیا۔
وزارت داخلہ کے ترجمان کے مطابق ایرانی سفیر سے ملاقات میں انھوں نے اسلام آباد مذاکرات کے دوسرے مرحلے کیلئے کئے انتظامات پر گفتگو کی،
انھوں نے کشیدگی میں کمی لانے کے لیے سفارتی و مذاکراتی چینلز کے ذریعے پائیدار حل کی ضرورت پر زور دیا، انھوں نے مذاکرات دوسرے دور کے لیے کیے گئے سیکورٹی انتظامات سے بھی آگاہ کیا،
ایرانی سفیر نے کشیدگی کم کرنے کے لیے پاکستان کے مثبت و تعمیری کردار کو سراہا،
انھوں نے کہا کہ پاک ایران تعلقات دہائیوں پر محیط ہیں۔برادرانہ تعلقات کو قدر کی نگاہ سے دیکھتے ہیں۔
امریکی ناظم الامور نیٹلی بیکر سے ملاقات پاک امریکہ تعلقات کے فروغ اور خطے کی تازہ ترین صورتحال پر تفصیلی تبادلہ خیال کیا,
ملاقات میں مذاکرات کے دوسرے راؤنڈ کے لئے کئے گئے سکیورٹی انتظامات پر بھی بات چیت کی گئی۔
امریکی سفیر نے خطے میں کشیدگی کم کرنے کے لیے پاکستان کے مخلصانہ کردار کو سراہا ۔
