ممبئی(یو این آئی) بالی ووڈ کے دبنگ اسٹار سلمان خان کا اپنے بھائی ارباز خان کی دلہنیا شوریٰ خان کے ساتھ ڈانس سوشل میڈیا پر وائرل ہوگیا۔
24 دسمبر کوارباز خان نے ممبئی میں چند قریبی دوستوں اور اہلخانہ کی موجودگی میں میک اپ آرٹسٹ شوریٰ سے دوسری شادی کی
ان کے نکاح کی تقریب ا±ن کی بہن ارپیتا خان شرما کے گھر منعقد کی گئی تھی۔
مختلف پلیٹ فارمز پر ارباز خان اور شوریٰ خان کی شادی کی ویڈیوز وائرل ہورہی ہیں
ایک ویڈیو میں سلمان خان کو اپنے فلموں کے ہٹ گانوں “دل دیا گلاں” اور “تیرے مست مست دو نین” پر ڈانس کرتے ہوئے دیکھا جاسکتا ہے۔
سلمان خان کے ساتھ ا±ن کی نئی بھابھی شوریٰ خان بھی کھڑی ڈانس کررہی ہیں جبکہ ارباز خان اور ملائکہ اروڑا کے بیٹے ارہان خان نے بھی اپنے والد کی دوسری شادی کا جشن ڈانس کرکے منایا۔
شادی میں سلمان خان نے سادہ قمیض شلوار پہنی جبکہ ا±ن کے بھائی سہیل خان نے سیاہ ٹی شرٹ کے ساتھ نیلی جینز کا انتخاب کیا۔
ارباز خان نے اپنی دوسری بیوی شوریٰ خان سے محبت کا اظہار کرنے کے لیے تقریب میں ا±ن کے لیے گانا “تیرے مست مست دو نین” بھی گایا، ا±ن کی گلوکاری کو وہاں موجود مہمانوں نے خوب سراہا۔
