مذاکرات کا میدان سج گیا،تمام انتظامات مکمل،پاکستان مہمانوں کا منتظر۔
وزیر اعظم کا مذاکرات کے مقام کا دورہ ، انتظامات کا جائزہ ، شہر بھر میں سیکورٹی انتظامات نہایت سخت ، شہرکا کنٹرول فوج اور دیگر سیکورٹی اداروں کے پاس،
اسلام آباد: امریکہ، ایران مذاکرات جن پر دنیا کی نظریں لگی ہیں کا میدان سج گیا، آئندہ دو دن دنیا کے امن کے لیے نہایت اہم
مذاکرات میں شرکت کے لیے دونون ملکوں کے وفود آج اسلانم آباد پہنچین گے جبکہ مذاکرات کا دورہ ہفتے کے روز ہوگا ،
مذاکراتی عمل سے متعلق معاملات کے جائزے کے لیے اسلام آباد میں متعین امریکی ناظم الامور نے جمعرات کے روز وزیر داخلہ محسن نقوی سے ملاقات کی،
وزیراعظم نے بھی کل شب مذاکرات کے لیے مختص کردہ مقام کا دورہ کر کے وہاں کے انتظامات کا جائزہ لیا،
ان مذاکرات کے حوالے سے وفاقی دارلحکومت میں سیکورٹی کے سخت ترین انتظامات کیے گئے ہیں جبکہ مقامی انتظامیہ کی جانب سے شہر کی تزین و آرائش کا کام بھی ہنگامی بنیادوں پر شروع کیا گیا،
ضلعی انتظامیہ کی جانب سے اس موقع پر سرکاری اور نجی دفاتر سمیت تمام تعلیمی اداروں کے لیے دو روزہ تعطیلات کا اعلان کیا گیا،جبکہ ریڈ زون کی طرف جانے والے تمام راستوں کو سیل کر کے وہان عام شہریوں اور پرائیویٹ سیمت غیر متعلقہ گاڑیوں کے داخلے پر پابندی عائد کر دی گئی ہے،
پوری دنیا کی نظریں پاکستان پر جو آئندہ چند روز عالمی سطح پر پاکستان ہی مرکز نگاہ رہے گا،
دنیا بھر سے مختلف ممالک کے سربراہاں کی جانب سے وزیر اعظم شہباز شریف کو ٹیلی فون کالز کی موصولی کا سلسلہ جاری ہے جن میں یہ سربراہاں نہ صرف مزاکرات کے حوالے سے پاکستان کے کردار کی تعریف کر رہے ہیں بلکہ مذاکرات کی کامیابی کے لیے بھی نیک خواہشات کا اظہار کر رہے ہیں،
ذرائع کا یہ کہنا ہے کہ پاکستان کی ہر ممکن کو شش ہے کہ یہ مذاکرات کامیاب رہیں ، کیونکہ ان کی کامیابی میں دنیا کا امن پوشیدہ ہے ۔
