پاک بحریہ کا زمین سے فضا میں مار کرنے والے میزائل کا کامیاب تجربہ،

پاک بحریہ کا شمالی بحیرہ عرب میں FM-90(N) ER زمین سے فضا میں مار کرنے والے میزائل کی لائیو ویپن فائرنگ (LWF) کا کامیاب تجربہ ۔

آئی ایس پی آر کے مطابق فائر پاور کے مظاہرے کے دوران، پاک بحریہ کے ایک جہاز نے انتہائی مؤثر طریقے سے فضائی اہداف کو نشانہ بنایا، جس سے بحریہ کی جنگ لڑنے کی صلاحیت اور جنگی تیاری کی تصدیق ہوئی۔ کمانڈر پاکستان فلیٹ نے پاکستان نیوی فلیٹ یونٹ پر سمندر میں براہ راست فائرنگ کا مشاہدہ کیا۔

کمانڈر پاکستان فلیٹ نے اعلیٰ سطحی پیشہ ورانہ مہارت، لگن اور آپریشنل اہلیت پر ملوث افسران اور جوانوں کو سراہا۔ انہوں نے ہر حال میں پاکستان کے سمندری دفاع کو یقینی بنانے اور قومی بحری مفادات کے تحفظ کے لیے پاک بحریہ کے غیر متزلزل عزم کا اعادہ کیا۔

Please follow and like us: