پاک فوج زگئی پہنچ گئی،امن کی بحالی کے لیے خوارجین کے خاتمے کا آپریشن شروع۔

  خیبر پختونخوا کی صورتحال کی پاک فوج زگئی میں آپریشن کرنے کیلئے پہنچ گئی،باجوڑ کی تحصیل ماموند کے علاقے زگئی میں امن کی بحالی کے لیے خوارجین کے خاتمے کا آپریشن شروع ، عوام کا پاک فوج کی آمد پر اظہارِ تشکر،

پاک فوج کے علاقے میں آنے پر باجوڑ کے عوام نے سکھ کا سانس لیا,پاک فوج کی آمد پر باجوڑ کی عوام کا کہنا ہے کہ فوج کے آنے سے خوارجین سے جان چھوٹ جائے گی،

عوام پاک فوج کے جوانوں کے والہانہ استقبال کے لیے گھروں سے باہر نکل آئے،مقامی ذرائع کے مطابق؛سکیورٹی فورسز نے زگئی ماموند میں امن کی بحالی کے لیے خوارجین کے خاتمے کا آپریشن شروع کر دیا ہے،

ذرائع کے مطابق زگئی ماموند میں فتنۂ خوارج کی بڑی تعداد موجود ہے، زگئی ماموند میں دو ماہ قبل مقامی لوگوں کے اصرار پر خوارج کے خلاف جرگے شروع ہوئے تھے،

ذرائع کے مطابق عوام کا کہنا ہے کہ شرپسندوں کے خاتمے کے لیے پاک فوج پر مکمل اعتماد رکھتے ہیں،پاک فوج کا باجوڑ کی تحصیل ماموند میں خوارج کے چھوڑے ہوئے بارودی مواد تلف کرنے کے لیے  آپریشن جاری،

ذرائع نے بتایا کہ پاک فوج کے جوان اپنی جانوں پر کھیل کر ان بارودی مواد کو ناکارہ بنا رہے ہیں، پاک فوج نے گاؤں گھاکی میں خوارج کے چھوڑے گئے مواد کو ناکارہ بناتے ہوئے تلف کر دیا، باجوڑ کی تحصیل ماموند میں بارودی مواد کے دھماکے سے معصوم بچے شہید اور شدید زخمی ہوئے تھے،

سیکیورٹی فورسز نے علاقہ مکینوں اور عمائدین سے اپیل کی ہے کہ کسی بھی مشکوک مواد یا ہتھیار کی موجودگی کے بارے میں فوری اطلاع دیں،

سکیورٹی فورسز کی عوام کو خصوصی احتیاط برتنے کی بھی ہدایت، ذرائع کا کہنا ہے کہ  خوارج کا وطیرہ ہے کہ وہ جہاد کے نام پر نہتے اور معصوم لوگوں کو نشانہ بناتے ہیں، دفاعی ماہرین کا کہنا ہے کہ خوارج خواتین اور بچوں کو بطور ڈھال استعمال کر رہے ہیں ، خوارج سول آبادی کے قریب بارودی مواد چھوڑ دیتے ہیں، خوارج کے اس غیر انسانی فعل کا نقصان سول آبادی کو اٹھانا پڑتا ہے،

Please follow and like us: