ایف آئی اے کا کریک ڈاون،حوالہ ہنڈی میں ملوث 494 ملزمان گرفتار 396 مقدمات درج،
رواں سال کے دوران غیر قانونی کرنسی ایکسچینج اور حوالہ ہنڈی میں ملوث نیٹ ورک کے خلاف 384 چھاپے مارے گئے، ترجمان ایف آئی اے
اسلام آباد: ڈی جی ایف آئی اے رفعت مختار راجہ کی ہدایت پر حوالہ ہنڈی اور غیر قانونی کرنسی ایکسچینج میں ملوث عناصر کے خلاف کریک ڈاون جاری،
ترجمان ایف آئی اے کی جانب سے جاری بیان کے مطابق رواں سال کے دوران غیر قانونی کرنسی ایکسچینج اور حوالہ ہنڈی میں ملوث نیٹ ورک کے خلاف 384 چھاپے مارے گئے،
حوالہ ہنڈی اور کرنسی ایکسچینج میں ملوث ملزمان کے خلاف 396 مقدمات درج کیے گئے جبکہملک گیر کاروائیوں میں 494 ملزمان کو گرفتار کیا گیا ہے،
ترجمان کے مطابق ملزمان سے مجموعی طور پر 1 ارب 49 کروڑ روپے ریکور کیے گئے،برآمد کی گئی کرنسی میں 4 لاکھ 66 ہزار سے زائد امریکی ڈالر شامل،،
برآمد شدہ کرنسی میں 23 کروڑ روپے سے زائد مالیت کی دیگر غیر ملکی کرنسی کے علاوہ 1 ارب 13 کروڑ پاکستانی روپے بھی شامل
ترجمان نے بتایا کہ ملک گیر چھاپوں کے دوران متعدد دکانوں کو بھی سیل کیا گیا۔اور ملزمان کی گرفتاری کے لئے قانون نافذ کرنے والے اداروں کی معاونت بھی حاصل کی گئی،
ترجمان نے کہا کہ ملوث عناصر کے خلاف ٹھوس شواہد کی روشنی میں قرار واقعی سزائیں دلوائی جائیں گی۔
غیر قانونی کرنسی کی خریدوفروخت میں ملوث بین الاقوامی ایجنٹوں کے خلاف بھی گھیرا تنگ کیا جائے گا۔اور ملوث نیٹ ورکس کے خلاف زیرو ٹالرنس پالیسی کے تحت کارروائیاں جاری رہیں گی،
