کمپٹیشن کمیشن آف پاکستان کی طرف سے جرمانہ،دو کمپنیوں نے 9 کروڑ ادا کر دیے،
کمپٹیشن کمیشن نے دونوں کمپنیوں پر قوانین کی خلاف ورزی پر جرمانہ عائد کیا تھا۔
اسلام آباد :کمپٹیشن کمیشن آف پاکستان کو دو معروف الیکٹرنکس مصنوعات بنانے والی کمپنیوں نے جرمانہ کی ادائیگی کی مد میں 9 کروڑ روپے جمع کروا دیے ہیں۔ کمپٹیشن کمیشن نے دونوں کمپنیوں پر قوانین کی خلاف ورزی پر جرمانہ عائد کیا تھا۔
الیکٹرانکس کی مصنوعات بانانے والی دونوں بڑی کمپنیاں اپنے ڈسٹرفی بیوٹرز اور ڈیلرز کو ایک فکس کی گئی قیمت سے کم پر مصنوعات کی فروخت ، دوکاندار کے اپنے کمشن میں سے رعایت دینے یا پیکیج ڈیلز آفر کرنے سے روک رہی تھیں۔ ڈیلڑز پر اس قسم کی پابندیاں مارکیٹ میں قیمتوں کے مقابلے میں روکاوٹ پیدا کرتی ہیں اور صارف کو بہتر قیمت نہیں ملتی ۔ کمپنیوں کی جانب سے اپنے ڈیلرز کو اس قسم کے معاہدوں میں باندھ نا کمپٹیشن کے قانون کی خلاف ورزی ہے۔
مذکورہ کمپنیوں کی جانب سے جرمانے کے فیصلے کو کمپٹیشن اپیلیٹ ٹربیونل میں چیلنج کیا تھا، تاہم ٹربیونل نے کمیشن کے فیصلے کو برقرار رکھتے ہوئے کمپنیوں کو 30 دن کے اندر جرمانہ جمع کرانے کی ہدایت کی۔
کمیشن تمام کاروباری اداروں کو سختی سے تنبیہ کرتا ہے کہ وہ قیمتوں کے تعین، کم سے کم یا زیادہ سے زیادہ ری سیل پرائس مقرر کرنے، رعایتوں یا پروموشنل آفرز پر پابندی لگانے جیسے اقدامات سے گریز کریں، کیونکہ ایسے اقدامات کمپٹیشن ایکٹ کی سنگین خلاف ورزی ہیں اور شفاف مارکیٹ کے اصولوں کے خلاف ہیں۔
