‘بین الاقوامی کھیلوں کی دنیا میں دوغلا اور متعصبانہ رویہ ناقابل برداشت اور ناقابل قبول ہے، پی سی بی
پی سی بی کا آئندہ ورلڈ چیمپئن شپ آف لیجنڈز میں پاکستانی ٹیم نی بھیجنے کا فیصلہ،
لاہور:پاکستان کرکٹ بورڈ نے ورلڈ چیمپئن شپ آف لیجنڈز کے معیار اور رویے کو دوہرا اور متعصبانہ قرار دیتے ہوئے اس پر شدید مایوسی کا اظہار کیا ہے، اس حوالے سے جاری اپنے سخت ردعمل میں پی سی بی کا کہتا تھا کہ اس نے آئندہ اس ٹورنامنٹ میں شرکت پر پابندی کا فیصلہ کیا ہے۔
لاہور میں اتوار کو چیئرمین پی سی بی محسن نقوی کی زیرِ صدارت بورڈ آف گورنرز کا اجلاس ہوا۔ اجلاس کے بعد پی سی بی کی جانب سے جارہ کردہ بیان کے مطابق پاکستان کرکٹ بورڈ کو ‘ورلڈ چیمپیئن شپ آف لیجنڈز (ڈبلیو سی ایل) کے دوہرے معیار اور متعصبانہ رویے پر شدید مایوسی ہوئی ہے،جس کو نظر انداز نہیں کیا جا سکتا،
پی سی بی نے اپنے سخت ردعمل میں کہا کہ پاکستان اور انڈیا کے درمیان میچ کی منسوخی پر ‘ڈبلیو سی ایل نے جان بوجھ کر میچز نہ کھیلنے والی ٹیم کو پوائنٹس دینے کا یکطرفہ فیصلہ کیا جو کھیل کی روح کے منافی ہے۔’
‘بین الاقوامی کھیلوں کی دنیا میں یہ دوغلا اور متعصبانہ رویہ ناقابل برداشت اور ناقابل قبول ہے۔ بیرونی دباؤ پر کھیلوں کے غیر جانبدارانہ اصولوں کی خلاف ورزی سے انتہائی افسوسناک صورتحال پیدا ہوئی۔ پی سی بی آئندہ اپنی ٹیم کو اس ٹورنامنٹ میں شرکت کے لیے نہیں بھیج سکتا۔’
پی سی بی نے پاکستانی کھلاڑیوں کو ’ایسے مقابلے میں شرکت کی اجازت نہیں دے سکتے جسے سیاست کی تنگ نظری نے داغدار کر دیا ہو۔‘
