اسلام آباد۔ وفاقی وزیرداخلہ محسن نقوی نے ایف ایٹ جناح ایونیو انٹرچینج پراجیکٹ کا دورہ کیا اورزیر تعمیر فلائی اوور کے فنشنگ ورک کا معائنہ کیا،وزیرداخلہ محسن نقوی کی پراجیکٹ کو 100 فیصد 18 فروری تک مکمل کرنے کی ڈیڈ لائن دیدی
محسن نقوی نے کہا کہ منصوبے کے تمام کام خصوصا رابطہ سڑکیں اور ہارٹیکلچر کو جلد مکمل کیا جائے،وزیرداخلہ محسن نقوی نے پراجیکٹ پر کام میں مصروف مزدوروں سے ملاقات کی اور ان سے بات چیت کی
وزیرداخلہ محسن نقوی نے مزدوروں کو شاباش دی اور مزید محنت سے کام کرنے کی تلقین کی،وزیرداخلہ محسن نقوی نے پراجیکٹ کے اطراف ملبے کو فوری طور پر ہٹانے کا حکم دیدیا ہے
محسن نقوی نے کہا کہ پراجیکٹ کے بیوٹیفیکشن ورک میں کوتاہی برداشت نہیں،فلائی اوور کے نیچے رابطہ سڑکوں پر کام تیز کیا جائے
اس موقع پر چئیرمین سی ڈی اے محمد علی رندھاوا اور پراجیکٹ ڈائریکٹر نے منصوبے پر پیش رفت کے بارے بریفنگ دی
وفاقی سیکرٹری داخلہ خرم علی آغا۔ چئیرمین سی ڈی اے محمد علی رندھاوا۔ آئی جی اسلام آبادپولیس علی ناصر رضوی۔ ڈپٹی کمشنر اسلام آباد عرفان میمن۔ کنٹریکٹر اور متعلقہ حکام بھی اس موقع پرموجود تھے
