لاہور(یو این آئی)پاکستان سپر لیگ کے9 ویں ایڈیشن کیلئے غیر ملکی کھلاڑیوں کی فہرست سامنے آگئی
غیر ملکی کھلاڑیوں کی رجسٹریشن کا سلسلہ جاری ہے جس میں معروف پلئیرز کے علاوہ 254 کھلاڑیوں نے رجسٹریشن کروائی ہے
پلاٹینم کیٹیگری میں 20 غیرملکی پلئیرز کو شامل کیا گیا ہے جس میں انگلش کرکٹرز کی تعداد نمایاں ہے۔
ایلکس ہیلز، مجیب الرحمان، شکیب الحسن، ٹام کوہلر کیڈمور، رحمان اللہ گرباز، ڈیوڈ ویز، سکندر رضا، کولن منرو، جیمز ونس، رسی وان ڈیر ڈوسن اور حضرت اللہ زازئی جیسے نامور کھلاڑی پہلے ہی پی ایس ایل کے لیے سائن کرچکے ہیں۔
اس سال آسٹریلیا کے کسی بھی بڑے پلئیر کی جانب سے اپنا رجسٹر نہیں کروایا گیا ہے۔
پی سی بی نے غیرملکی کھلاڑیوں کی دلچسپی میں اضافہ دیکھا ہے، جنہوں نے ٹورنامنٹ میں حصہ لینے کے لیے اپنی رضامندی ظاہر کی ہے
فہرست میں کرکٹ کے مختلف ممالک سے تعلق رکھنے والے کھلاڑیوں نے رجسٹریشن کروائی ہے تاہم قابل ذکر آسٹریلوی کھلاڑی اس لسٹ میں شامل نہیں
