نئی دہلی ۔بالی ووڈ کے مشہور اداکار سلمان خان نے اپنی والدہ کو سالگرہ کے موقع پر دل سے مبارک باد پیش کی ہے۔
بھارتی ذرائع ابلاغ کے مطابق سلمان خان کی والدہ سلمیٰ خان نے پیر کو اپنی 83 ویں سالگرہ منائی۔ اس مناسبت سے ایک تقریب ممبئی میں ان کی بیٹی کے ریسٹورنٹ میں منعقد کی گئی۔
سلمان خان نے اس تقریب کی ویڈیو اپنے سوشل میڈیا اکاؤنٹ پر شیئر کی اور والدہ کے لیے گہری محبت کا اظہار کرتے ہوئے لکھا: "ہماری دنیا۔”
ذرائع کے مطابق، یہ ویڈیو سلمان خان نے خود اپنے موبائل سے بنائی تھی اور شیئر کی تھی۔
سلمان خان کی پوسٹ کو نہ صرف ان کے مداحوں بلکہ دیگر فلمی شخصیات نے بھی بے حد پسند کیا ہے۔
یاد رہے کہ سلمان خان ہمیشہ سے اپنے والدین کے ساتھ رہتے ہیں اور ان کے قریب سمجھے جاتے ہیں۔
Please follow and like us:
