نیوزی لینڈ نے سیریز کے پہلے ٹیسٹ میچ کی پہلی اننگز میں بھارتی ٹیم کو اپنے ہوم گراؤنڈ پر 46 رنز پر تمام کھلاڑیوں کو آؤٹ کردیا۔
بنگلورو کرکٹ اسٹیڈیم میں کھیلے جا رہے اس سیریز کے ابتدائی ٹیسٹ میچ میں بھارت نے ٹاس جیت کر پہلے بیٹنگ کا انتخاب کیا، جو کہ ناکامی میں بدل گیا۔
بنگلورو اسٹیڈیم میں کیوی گیند باز بھارتی ٹیم کے لیے ایک خوفناک خواب بن گئے، جہاں ہندوستان کے 5 کھلاڑی بغیر کوئی رن بنائے آؤٹ ہوئے، جبکہ سب سے زیادہ رن رشبھ پنت نے 20 بنائے۔
مزید پڑھیں: بابر اور کوہلی کے موازنہ کرنے والے ایشون اگلے دن گولڈن ڈک پر آؤٹ ہوئے۔
بغیر رن کے آؤٹ ہونے والوں میں ویرات کوہلی، سرفراز خان، کے ایل راہول، رویندر جڈیجا اور روی چندر ایشون شامل ہیں، جبکہ صرف 2 کھلاڑی ہی دوہرے ہندسوں میں داخل ہو سکے۔
یہ ٹیسٹ کرکٹ میں بھارت کا تیسرا کم ترین اسکور ہے، اور اس کے علاوہ یہ بھارتی کرکٹ ٹیم کا ہوم گراؤنڈ پر بھی کم ترین اسکور ہے۔
