بہار: بھارتی ریاست بہار کے شہر مظفرپور سے تعلق رکھنے والے ایک طالبعلم نے اپنے بی اے امتحان کے فارم میں والدین کے نام کے خانے میں بالی وڈ اداکاروں کے نام درج کرکے سوشل میڈیا پر ہلچل مچادی۔
بھارتی میڈیا کے مطابق، کندن نامی طالبعلم کے امتحانی فارم کی ایک تصویر سوشل میڈیا پر وائرل ہوئی، جس میں اس نے والدہ کے نام کی جگہ سنی لیون اور والد کے نام کی جگہ عمران ہاشمی کا نام لکھا۔
یہ فارم کندن کی گریجویشن کے لیے تھا، جس میں دیگر بنیادی معلومات تو موجود تھیں، مگر والدین کے نام کے خانے میں بالی وڈ اداکاروں کے نام شامل کیے گئے تھے۔
اب تک یہ واضح نہیں ہو سکا کہ آیا اس فارم کو یونیورسٹی نے قبول کیا یا مسترد کیا، اور اس وائرل فارم کی تصدیق بھی بھارتی میڈیا کے مطابق نہیں ہو سکی۔
Please follow and like us:
