اسلام آباد۔ قومی اسمبلی سیکرٹریٹ نے نئی پارٹی پوزیشن بھی جاری کردی ہے جس کے مطابق نئی پارٹی پوزیشن کے مطابق تحریک انصاف کا وجود ہی ختم کر دیا گیا ،تمام 80 اراکین کو سنی اتحاد کونسل کا رکن ظاہر کر دیا گیا،اس سے پہلے 39 اراکین تحریک انصاف اور 41 کو آزاد ڈکلئیر کیا گیا تھا،نئے الیکشن ایکٹ کے بعد پارٹی پوزیشن بھی تبدیل کر دی گئی،تمام 80 اراکین کو سنی اتحاد کونسل کا رکن ظاہر کیا گیا ہے،ن لیگ، پیپلز پارٹی، جے یو آئی سے واپس لی جانے والی نشستوں کا بھی پارٹی پوزیشن میں ذکر کیا گیا ہے،سپیکر کے خط کے فوری بعد نئی پارٹی پوزیشن جاری کی گئی ہے،نئی پارٹی پوزیشن کے مطابق قومی اسمبلی میں مسلم لیگ ن 110، پیپلزپارٹی کی 69 نشستیں ہیں،ایم کیو ایم 22، ق لیگ 5، آئی پی پی کے 4 اراکین ہیں،مسلم لیگ ضیا، بی اے پی اور نیشنل پارٹی کے ایک ایک رکن ہیں،سنی اتحاد کونسل 80، جے یو آئی ف 8، آزاد اراکین کی تعداد بھی 8 ہے،پی کے میپ، بی این پی مینگل اور ایم ڈبلیو ایم کی ایک ایک نشست ہے،ایک آزاد رکن قومی اسمبلی نے مسلم لیگ ن میں شمولیت اختیار کر رکھی ہے۔الیکشن ایکٹ پر عملدرآمد کی صورت میں 23 مخصوص نشستیں ن لیگ، پیپلزپارٹی اور جے یو آئی کو ملیں گی،مسلم لیگ ن 15، پیپلز پارٹی 5 اور جے یو آئی کو تین مخصوص نشستیں ملیں گی۔
