حماس کے سربراہ اسماعیل ہانیہ کے قتل کی شدید مذمت کرتے ہیں۔اسرائیلی مہم جوئی خطے کے لیے خطرہ، پاکستان
افغانستان سے کالعدم تحریک طالبان پاکستان (ٹی ٹی پی) اور دیگر تنظیموں کے خلاف کارروائی کامطالبہ کرتے ہیں،
اسلام آباد(یو این آئی )ترجمان دفتر خارجہ ممتاز زہرا بلوچ نے کہا ہے کہ اسرائیلی مہم جوئی سے خطےمیں جنگ کو تقویت ملے گی، اسرائیلی جارحیت لبنان کی خودمختاری اور علاقائی سالمیت کی سنگین خلاف ورزی ہے،
جمعرات کو دفتر خارجہ میں ہفتہ وار بریفنگ میں ممتاز زہرا بلوچ کا کہنا تھا کہاسرائیل جنگی جرائم میں ملوث ہے،
انھوں نے کہا کہ پاکستان حماس کے سربراہ اسمٰعیل ہنیہ کے قتل کی شدید مذمت کرتاہے۔
افغانستان سے کالعدم تحریک طالبان پاکستان (ٹی ٹی پی) اور دیگر تنظیموں کے خلاف کارروائی کامطالبہ کرتے ہیں،
ٹی ٹی پی وقت کے ساتھ خطے کے لیے بڑا خطرہ بنتا جارہا ہے۔ پارا چنار واقعہ پر ایرانی بیان غیر ضروری ہے۔
پاکستان اسرائیل کی خطے میں مہم جوئی اور لبنان پر حملے کی شدید مذمت کرتا ہے ،
اسرائیلی مہم جوئی سے خطےمیں جنگ کو تقویت ملے گی،
اسرائیلی جارحیت لبنان کی خودمختاری اور علاقائی سالمیت کی سنگین خلاف ورزی ہے، پاکستانی عوام لبنان کے ساتھ شانہ بشانہ کھڑے ہیں۔
انہوں نے کہا کہ تہران میں اسماعیل ہنیہ کا قتل پہلے سے ہی غیر مستحکم خطے میں امن کی کوششوں کو سبوتاژ کرنا ہے،
اسرائیلی کارروائیوں نے علاقائی سلامتی کو خطرے میں ڈال دیا ہے، ممتاز زہرا
انھوں نے کہا کہ اکتوبر2023سے اسرائیل نے فلسطینی عوام کے خلاف دہشتگردی کی مہم شروع کررکھی ہے،اقوام متحدہ غزہ کے لوگوں کی نسل کشی کا سلسلہ بند کرائے۔
ترجمان دفتر خارجہ کا کہنا تھا کہ نائب وزیراعظم اور وزیر خارجہ اسحاق ڈار نے منگل کو تہران کا دورہ کیا ،
نائب وزیراعظم نے ایرانی صدر مسعود پیزشکیان کی تقریب حلف برادری میں پاکستان کی ،
نائب وزیر اعظم نے نئی ایرانی انتظامیہ کے ساتھ تعلقات کے فروغ کے عزم کا اظہار کیا۔
انہوں نے کہا کہ تقریب میں دولت مشترکہ کی سیکرٹری جنرل پٹریشا کی نائب وزیر اعظم اسحاق ڈار سے ملاقات ہوئی،
فریقین نےدونوں دولت مشترکہ کے درمیان تعاون کے شعبوں پر تبادلہ خیال کیا ۔
ترجمان دفتر خارجہ کا مزید کہنا تھا کہ سیکرٹری خارجہ محمد سائرس سجاد قاضی نے آسیان ریجنل فورم کے وزراتی اجلاس میں پاکستانی وفد کی قیادت کی،
سیکرٹری خاریہ نے علاقائی امن سلامتی اور تعاون کیلئے پاکستان کے عزم کا اعادہ کیا،
فورم میں مسئلہ کشمیر کو سلامتی کونسل کی قراردادوں کے مطابق حل کرنے پر زور دیا جبکہ علاقائی یکجہتی اور امن کیلئے آسیان کے کردار کو بھی سراہا۔
ممتاز زہرا بلوچ نے کہا کہ افغانستان سے کالعدم تحریک طالبان پاکستان (ٹی ٹی پی) اور دیگر تنظیموں کے خلاف کارروائی کامطالبہ کرتے ہیں،
ٹی ٹی پی وقت کے ساتھ خطے کے لیے بڑا خطرہ بنتا جارہا ہے،
ٹی ٹی پی افغانستان کے اندر سے حملوں کی منصوبہ بندی کرتی ہے،
تحریک طالبان پاکستان کو افغانستان کے اندر سے معاونت حاصل ہے۔
ترجمان دفتر خارجہ نے کہا کہ پاکستان انصاف کےحصول تک کشمیری بہن بھائیوں کے لیے آواز بلند کرتا رہے گا،
5اگست کومقبوضہ کشمیرکی تاریخ میں سیاہ ترین دن کے طور پر منایا جاتا ہے۔
ترجمان دفترخارجہ نے بتایا کہ دولت مشترکہ کی سیکریٹری جنرل پیٹریشیا اسکاٹ لینڈ نے پاکستان کا پہلا سرکاری دورہ کیا ،
پاکستان اور سری لنکا کے مابین سیاسی مشاورتی اجلاس کا انعقاد رواں ہفتے کے دوران ہوا۔
