اسلام آباد(نیوز رپورٹر)وفاقی حکومت نے سرکاری اداروں اور افسران کو دی گئی مفت بجلی کی سہولت ختم کرنے پر غور شروع کردیا ہے۔
ذرائع کے مطابق وفاقی حکومت نے شدید ترین عوامی و سیاسی دباؤ کے پیش نظر وزارتِ توانائی میں ایمرجنسی پلان پر کام کرنے کا اصولی فیصلہ کیا ہے
فیصلے کے تحت تمام سرکاری، نیم سرکاری اداروں میں مفت بجلی کی سہولت ختم کرنے کی تجویز زیر غور ہے۔ بیورو کریٹس، ججز، پارلمینٹرینز سمیت سب کی مفت بجلی بند کرنے کی تجویز پر غور شروع کردیا گیا ہے۔
دوسرے مرحلے میں مفت پیٹرول کی سہولت بھی واپس لینے پر غور کیا جا رہا ہے۔ صرف انڈسٹری اور کاروبار کو جائز سہولتیں دی جائیں گی۔
ذرائع کے مطابق فیکٹریوں میں ایم ڈی آئی چارجز کو کم کرنے کی تجویز بھی زیر غور ہے۔ ذرائع پاور ڈویڑن کا مزید کہنا ہے کہ نیپرا اور اوگرا کی کارکردگی بھی چانچی جائے گی۔
Please follow and like us:
