اسلام آباد پولیس شہریوں کے مسائل کے حل کے لئے پرعزم ہے،ڈپٹی آئی جی علی رضا
ڈپٹی انسپکٹر جنرل آف پولیس اسلام آباد سید علی رضا نے انڈسٹر یل ایر یا زون اور سواں زون میں کھلی کچہریو ں کا انعقادکیا،
اسلام آباد: ڈپٹی انسپکٹر جنرل آف پولیس اسلام آباد سید علی رضا نے انڈسٹر یل ایر یا زون اور سواں زون میں کھلی کچہریو ں کا انعقادکیا،جن میں زونل ایس پیز ،ایس ڈی پی اوز ،ایس ایچ اوز سمیت بڑی تعداد میں شہریوں نے شرکت کی،
کھلی کچہریو ں کے دوران ڈی آئی جی اسلام آباد نے شہریوں کے مسائل سنے اور فوری حل کے احکامات جاری کئے،جبکہ کرپشن اور سائلین کی دادرسی نہ کرنے پر افسران کو ان کے عہدوں سے معطل کرکے انکوائری کا حکم دے دیا،
اس موقع پر انہوں نے کہا کہ شہری اپنے مسائل کے حل کے لئے "آئی جی پی شکایت سیل 1715- "پر بھی اپنی شکایات و مسائل درج کرواسکتے ہیں،
انھوں نے کہا کہ مختلف اقدامات کے ذریعے اسلام آباد پولیس عام شہریوں تک پہنچ کر ان کے مسائل کو حل کرنے کے لئے پرعزم ہے،
انہوں نے مزید کہا کہ آئی جی اسلام آباد سید علی ناصر رضوی نے تمام سینئر پولیس افسران کو ضلع بھر میں کھلی کچہریوں کے انعقاد کے احکامات جاری کئے ہیں اوراس سلسلے میں تمام زونل ایس پیز اپنے زونز میں کھلی کچہریوں کا انعقاد کر رہے ہیں،
انہوں نے مزید کہا کہ اسلام آباد کا کوئی بھی شہری ان کھلی کچہریوں میں کھل کر اپنے مسائل بیان کرسکتا ہے،اسلام آباد پولیس کی اس عوامی رابطہ مہم کا مقصد شہریوں کے مسائل ان کے دہلیز پر حل کرنا ہے۔