پاکستان نے بابری مسجد کی شہادت کے دن کے حوالے سے اپنا موقف جاری کردیا۔
بابری مسجد کی شہادت سے متعلق بیان دیتے ہوئے کہنا تھا کہ بابری مسجد ہماری اجتماعی یادداشت کا حصہ ہے۔ ترجمان دفترخارجہ
اسلام آباد: پاکستان نے بابری مسجد کی شہادت کے دن کے حوالے سے اپنا موقف جاری کردیا۔
وفاقی دارالحکومت سے جاری بیان میں ترجمان دفترخارجہ کا بابری مسجد کی شہادت سے متعلق بیان دیتے ہوئے کہنا تھا کہ بابری مسجد ہماری اجتماعی یادداشت کا حصہ ہے۔
اُنہوں نے کہا کہ 6 دسمبر 1992 کا واقعہ آج بھی دکھ اور تشویش کا باعث ہے، بابری مسجد کی شہادت عدم برداشت اور مذہبی تعصب کی علامت ہے، مذہبی ورثے کا تحفظ عالمی برادری کی مشترکہ ذمہ داری ہے، مسلمانوں کے مذہبی مقامات کو نقصان پہنچانے کے واقعات پراحتساب ضروری ہے۔
انہوں نے مزید کہا کہ بابری مسجد کے بعد بھارتی مسلمان عدم تحفظ اور ذہنی تکلیف کا شکار ہیں، ہندو انتہا پسند تنظیمیں ریاستی سرپرستی سے اقلیتوں کو مزید محدود کرناچاہتی ہیں۔
ترجمان کا مزید کہنا تھا کہ پاکستان بین المذاہب ہم آہنگی اور پُرامن بقائے باہمی پر یقین رکھتا ہے، عالمی برادری مسلمانوں کے مذہبی ورثے کے تحفظ کے لیےکردارادا کرے، بھارت تمام شہریوں کے لیے مساوی حقوق اور مذہبی رواداری کو یقینی بنائے۔
Please follow and like us:
