سہ ملکی سیریز کا پہلا میچ،نیوزی لینڈ نے 78 رنز سے جیت لیا،
قبل ازیں نیوزی لینڈ کے کپتان مچل سینٹنر نے ٹاس جیت کر پہلے بیٹنگ کا فیصلہ کیا تھا۔
لاہور: سہ ملکی سیریز کے پہلے میچ میں نیوزی لینڈ نے پاکستان کو 78 رنز سے شکست دے دی۔
قبل ازیں نیوزی لینڈ کے کپتان مچل سینٹنر نے ٹاس جیت کر پہلے بیٹنگ کا فیصلہ کیا۔
مہمان ٹیم کے ول ینگ اور رچن رویندرا نے اننگز کا آغاز کیا، شاہین آفریدی کے پہلے ہی اوور میں ول ینگ کو وکٹوں کے پیچھے کیچ آؤٹ ہو گئےجبکہ ابرار احمد نے 39 کے مجموعے پر رچن رویندرا کو آؤٹ کر دیا۔
ولیمسن 58 رنز اور ٹام لیتھن بغیر کوئی رن بنائے پویلین لوٹ گئے۔
ڈیرل مچل اور فلپس نے ذمہ دارانہ بیٹنگ کی بدولت نیوزی لینڈ تیم کو مقررہ 50 اوورز میں 6 وکٹوں کے نقصان پر 330 رنز پر پہنچا دیا ۔ تاہم
گلین فلپس نے ناقابل شکست 106 رنز کی جارحانہ اننگزکھیلی اور 72 گیندوں پر سنچری بنائی جبکہ ڈیرل مچل 81 رنزبناکرنمایاں رہے۔
شاہین آفریدی نے تین وکٹیں حاصل کیں، ابراراحمد دو اور حارث رؤف نے ایک کھلاڑی کوآؤٹ کیا۔
ہدف کے تعاقب میں پاکستانی ٹیم 252 بنا کر آوٹ ہو گئی
فخر زمان نے 84 ، سلمان آغا 40 ، طیب طاہر 30 کے ساتھ نمایاں سکورر رہے،بابر اعظم 10، کامران غلام 18 اور محمد رضوان تین رنز بنا کر لوٹ گئے۔
میٹ ہینری اور سینٹنر نے تین، تین، بریسویل نے دو وکٹیں حاصل کیں، تین ملکی سیریز کا دوسرا میچ نیوزی لینڈ اور جنوبی افریقا کے درمیان پیر کو لاہور میں کھیلا جائے گا۔
