انٹرنیشنل ٹرائی سیریز،دوسرے میچ میں سری لنکا کو زمبابوے کے ہاتھوں شکست ۔
زمبابوے نے پہلے بیٹنگ کرتے ہوئے مقررہ 20 اوورز میں 162/8 رنز بنائے، جبکہ سری لنکا کی ٹیم صرف 95 رنز پر ڈھیر ہو گئی۔
راولپنڈی(سید مھد حیسن):ؒ راولپنڈی میں کھیلی جانے والی ٹی 20 انٹرنیشنل ٹرائی سیریز کے دوسرے میچ میں زمبابوے نے سری لنکا کو 67 رنز سے شکست دے دی۔
زمبابوے نے پہلے بیٹنگ کرتے ہوئے مقررہ 20 اوورز میں 162/8 رنز بنائے، جبکہ سری لنکا کی ٹیم صرف 95 رنز پر ڈھیر ہو گئی۔
سری لنکا کی طرف سے کپتان داسن شنکا نے 25 گیندوں پر 34 رنز بنائے، جن میں دو چھکے اور دو چوک شامل تھے، جبکہ بھانوکا راجاپاکسا نے 11 رنز بنا کر دو ہندسوں کی حد عبور کرنے والے دوسرے بلے باز رہے۔
زمبابوے کی جانب سے براد ایونز نے چار اوورز میں صرف 9 رنز دے کر تین وکٹیں حاصل کر کے بولنگ میں شاندار کارکردگی دکھائی، رچرڈ نگراوا نے دو جبکہ ٹینوٹینڈا مپوسا، گریم کریمر، رائین برل اور سکندر رضا نے ایک ایک وکٹ حاصل کی۔
اوپنر تادیواناشے مارومانی 10 رنز بنا کر چوتھے اوور کی پہلی گیند پر آؤٹ ہو گئے۔ چھٹے اوور کی تیسری گیند پر تجربہ کار برینڈن ٹیلر 11 رنز بنا کر ایشان مالنگا کی گیند پر آؤٹ ہوئے، جس سے ٹیم 40/2 پر پہنچ گئی۔
کپتان سکندر رضا اور برائن بینیٹ نے وسطی اوورز میں 61 رنز کی شراکت قائم کی، جس نے ٹیم کو مستحکم کیا۔ تاہم 13ویں اوور میں ہسارنگا نے برائن بینیٹ کی وکٹ لے کر اس اہم شراکت کو توڑ دیا۔
سکندر رضا نے 32 گیندوں پر 47 رنز کی اننگز کھیلی جس میں تین چوک اور دو چھکے شامل تھے۔ آخر میں تاشنگا موزیکوا نے سات گیندوں پر 11 رنز بنا کر قیمتی رنز کا اضافہ کیا۔
سری لنکا کی بولنگ میں ہسارنگا سب سے کامیاب رہے، جنہوں نے چار اوورز میں 32 رنز دے کر تین وکٹیں حاصل کیں۔ مالنگا نے دو، جبکہ ماہیش تھیکشانہ اور چامیرا نے ایک ایک وکٹ حاصل کی۔
