اسلام آباد۔وفاقی دارالحکومت اسلام آباد میں میٹرو بس کی سواری اب شہریوں کے لیے مزید مہنگی ہو گئی ہے۔
26 مئی 2025 سے ایک نئی کرایہ پالیسی نافذ العمل ہو رہی ہے جس کے تحت اورنج لائن، گرین لائن، بلیو لائن اور الیکٹرک فیڈر روٹس پر یکساں کرایہ 100 روپے فی سفر مقرر کر دیا گیا ہے۔
اس سے قبل مختلف روٹس کے لیے کرایہ 50 سے 90 روپے کے درمیان تھا، مگر حکام کا کہنا ہے کہ آپریشنل اخراجات میں اضافہ، ایندھن کی قیمتوں میں بڑھوتری اور سروس کے معیار کو برقرار رکھنے کی غرض سے کرایوں میں تبدیلی ناگزیر ہو گئی تھی۔
شہریوں کی جانب سے اس فیصلے پر مخلوط ردعمل سامنے آیا ہے؛ کچھ افراد نے اسے معاشی دباؤ قرار دیا ہے جبکہ دیگر کا کہنا ہے کہ معیاری سفری سہولیات کی فراہمی کے لیے یہ اقدام ضروری ہے۔ حکام نے عوام سے تعاون کی اپیل کی ہے۔
Please follow and like us:
