وزیراعظم کی زیر صدارت امن و امان کی صورتحال پر اہم جائزہ اجلاس,انسانی اسمگلنگ کے خلاف اقدامات سخت کرنے کی ہدایت،
ملک بھر میں بھکاریوں کے خلاف بھی کریک ڈاؤن کیا جا رہا ہے اور ایسے عناصر کو بیرون ملک سفر سے روکنے کے حوالے سے بھی اقدامات اٹھائے جا رہے ہیں :بریفنگ
اسلام آباد:وزیراعظم کی زیر صدارت امن و امان کی صورتحال پر اہم جائزہ اجلاس, وزیر اعظم نے انسانی اسمگلنگ کے نیٹ ورک کے گرد گھیرا مزید تنگ کرنے اور ملک بھر میں بھکاریوں کے خلاف کریک ڈاؤن کے علاوہ ایسے عناصر کو بیرون ملک سفر سے روکنے کے حوالے سے بھی اقدامات اٹھانے کی ہدایت کر دی ،
اجلاس میں ملک میں امن و امان کی صورتحال کا مفصل جائزہ لیا گیا، اجلاس کو اس حوالے سے مختلف اقدامات کے بارے میں بریفنگ بھی دی گئی ،
وزیر اعظم نے اجلاس سے خطاب کرتے ہوئے کہا کہ ملک سے دہشت گردی کو جڑ سے اکھاڑنے کے لئے ہمارا جہاد جاری رہے گا، دہشت گردوں کو ایسی عبرتناک شکست دیں گے کہ وہ پاکستان کی طرف میلی آنکھ سے دیکھنے کی جرات نہیں کر سکیں گے
انھوں نے کہا کیہ دہشت گردی کے خلاف بھرپور اقدامات اور کاروائیوں کے حوالے سے تمام اداروں اور صوبوں کی کوششیں لائق تحسین ہیں
دہشت گردی اور انتہاپسندی کے مکمل خاتمے کیلئے وفاقی حکومت تمام صوبوں کی استعداد بڑھانے کے لئے بھرپور تعاون کرےگی :
ہماری سیکیورٹی فورسز کے بہادر جوان اور افسر دن رات دہشت گردوں سے نبرد آزما ہیں اور اپنی جانوں کا نذرانہ پیش کر رہے ہیں
: وزیراعظم نے ہدایت کی کہ اسمگلنگ کے خلاف تمام ادارے اپنی کوششیں مزید تیز کریں ،
انسانی اسمگلنگ کے نیٹ ورک کے گرد گھیرا مزید تنگ کیا جائے اور اسمگلروں کو قانون کے شکنجے لایاجائے اور ملک کے اہم شہروں میں سیف سٹی منصوبوں کو جلد از جلد مکمل کیا جائے
دہشت گردی کے خلاف بیانئے کے حوالے سے وفاق اور صوبے مل کر کام کر رہے ہیں جو کہ انتہائی خوش آئند ہے
اجلاس کو بریفنگ میں بتایا گیا کہ نیکٹا میں نیشنل اینڈ پرونشئل انٹیلیجنس فیوژن اینڈ تھریٹ اسیسمینٹ مرکز کا قیام عمل میں لایا جا چکا ہے :
پنجاب کے دس شہروں میں سیف سٹی منصوبہ کام کر رہا ہے،کراچی، حیدرآباد، سکھر، لاڑکانہ، میر پور خاص اور نواب شاہ میں سیف سٹی منصوبے لگائے جا رہے ہیں ،پشاور میں سیف سٹی منصوبہ منظور ہو چکا؛ اگلے مرحلے میں ڈیرہ اسماعیل خان ، بنوں، لکی مروت میں سیف سٹی منصوبے لگائے جائیں گے ،
بریفنگ میں مزید کہا گیا کہ گوادر سیف سٹی منصوبہ جلد مکمل کر لیا جائے گا جبکہ قومی شاہراہ 25 N اور قومی شاہراہ 40 N پر واقع تمام اہم شہروں میں سیف سٹی منصوبہ لگایا جائے گا،
اسمگلنگ کی روک تھام کے حوالے سے مختلف شاہراہوں اور پلوں پر ڈیجیٹل انفورسمنٹ اسٹیشنز کا قیام عمل میں لایا جا رہا ہے،
ملک کے اہم شہروں کے گردونواح میں موجود تمام غیر قانونی تعمیرات کو ختم کرنے کے حوالے سے وفاقی اور صوبائی حکومتیں کاروائیاں کر رہی ہیں،
ملک بھر میں بھکاریوں کے خلاف بھی کریک ڈاؤن کیا جا رہا ہے اور ایسے عناصر کو بیرون ملک سفر سے روکنے کے حوالے سے بھی اقدامات اٹھائے جا رہے ہیں ،،
اسلام آباد میں فارینسک سائنس ایجنسی قائم کی جاچکی ہے جبکہ پنجاب میں فارنسک سائنس ایجنسی کو مزید بہتر بنایا جا رہا ہے،
اجلاس میں وفاقی وزیر قانون و انصاف اعظم نذیر تارڑ، وفاقی وزیر داخلہ محسن رضا نقوی ، وفاقی وزیر اقتصادی امور احد خان چیمہ ، وفاقی وزیر اطلاعات و نشریات عطاء اللہ تارڑ ، وزیراعظم کے مشیر برائے بین الصوبائی روابط رانا ثناءاللہ ، وزیر مملکت برائے داخلہ طلال چوہدری , وزیر اعلیٰ خیبر پختونخوا کے مشیر اطلاعات بیرسٹر سیف، وزیر داخلہ گلگت بلتستان شمس الحق لون، وزیر داخلہ آزاد جموں و کشمیر کرنل ریٹائرڈ وقار نون، چاروں صوبوں ، گلگت بلتستان اور آزاد جموں و کشمیر کے چیف سیکریٹریز اور انسپکٹرز جنرل پولیس، چیف کمشنر اسلام آباد کیپیٹل ٹیریٹری ، آئی جی اسلام آباد پولیس اور دیگر متعلقہ سرکاری اداروں کے افسران نے شرکت کی ۔
