اسلام آباد۔ پاکستان کرکٹ بورڈ نے پی ایس ایل 10 کے کمنٹری پینل کا اعلان کردیا، سابق کپتان سرالیسٹرکک کیساتھ ساتھ سوٸنگ کے کنگ وسیم اکرم بھی پہلی بار کمنٹری پینل کا حصہ ہونگے۔ تفصیلات کے مطابقایچ بی ایل پی ایس ایل 11 اپریل سے18 مئی تک لاہور کراچی راولپنڈی اور ملتان میں کھیلی جائے گی۔کمنٹری پینل میں الیسٹر کک کے علاوہ مارک نکولس۔ ڈومینک کارک۔ جے پی ڈومینی۔ مائیک ہیزمین۔مارٹن گپٹل اور اطہرعلی خان بھی کمنٹری کریں گے۔دو بار کی ویمنز ورلڈ کپ فاتح آسٹریلوی خاتون کرکٹر لیزا اسٹالکر بھی پہلی بار ایچ بی ایل پی ایس ایل میں کمنٹری کریں گی۔پاکستان کے چار سابق کپتان رمیز راجہ ۔ وسیم اکرم۔ وقاریونس اور عامر سہیل کے علاوہ بازید خان عروج ممتاز اور کرکٹ انالسٹ سکندر بخت بھی ایچ بی ایل پی ایس ایل کمنٹری پینل میں شامل ہیں۔ پی ایس ایل میں پہلی بار مکمل اردو کمنٹری ہوگی۔ اردو کمنٹری پینل میں طارق سعید ۔ علی یونس۔عقیل ثمر ۔مرینہ اقبال اور سلمان بٹ شامل۔ایرن ہالینڈ اور زینب عباس میچوں کے دوران پریزینٹرز ہونگی۔چیف ایگزیکٹیو آفیسر پی ایس ایل سلمان نصیر کا کہنا تھا کہ کرکٹ کی دنیا کے بڑے ناموں کی کمنٹیٹرز کے طور پر موجودگی سے کوریج کا بہترین معیار نظر آئے گا۔پہلی بار ایچ بی ایل پی ایس ایل میں مکمل طور پر اردو کمنٹری کے ذریعے ہم اپنے ُپرجوش شائقین کے بہت قریب پہنچ سکیں گےجن کے لیے یہ ایک خوشگوار تجربہ ہوگا۔
