ڈرگ ڈیلر انمول عرف پنکی کا معاملہ ایوان بالا تک پہنچ گیا۔
سینیٹ کی قائمہ کمیٹی نے معاملے کا نوٹس لیتے ہوئے ڈی جی اے این ایف سے جامع رپورٹ طلب کرلی۔
اسلام آباد: ڈرگ ڈیلر انمول عرف پنکی کا معاملہ ایوان بالاتک پہنچ گیا۔
سینیٹ کی قائمہ کمیٹی نے معاملے کا نوٹس لیتے ہوئے ڈی جی اے این ایف سے جامع رپورٹ طلب کرلی۔
سینیٹ قائمہ کمیٹی برائے داخلہ کے اجلاس میں انمول عرف پنکی کیس پر بحث کی گئی اور معاملے کا باضابطہ نوٹس لے لیا گیا۔
چیئرمین کمیٹی فیصل سلیم نے ڈی جی اے این ایف کو آئندہ اجلاس میں طلب کرتے ہوئے کہا کہ مکمل رپورٹ پیش کی جائے کہ انمول عرف پنکی کس کس کو منشیات سپلائی کر رہی تھی،یہ بھی بتایا جائے کہ منشیات کن افراد تک پہنچائی گئی، اور کس نوعیت کے نیٹ ورک میں یہ معاملہ شامل تھا۔
سینیٹر ثمینہ زہری نے اجلاس میں کہا کہ انہوں نے خبروں میں دیکھا کہ ایک کریمنل خاتون دھڑلے سے عدالت جا رہی ہے، یہاں منشیات فروش اور ڈاکو کھلے عام گھوم رہے ہیں، کیا ہم یہاں مرنے کے لیے بیٹھے ہیں۔
واضح رہے کہ کراچی میں گارڈن کے علاقے سے کوکین اور منشیات کی بڑی سپلائر انمول عرف پنکی کو گرفتار کر کے کروڑوں روپے مالیت کی منشیات اور پستول برآمد کی گئی تھی۔
گارڈن کے علاقے میں پولیس اور سول حساس ادارے نے مشترکہ کارروائی کرتے ہوئے ملزمہ کو گرفتار کیا تھا، ملزمہ کے قبضے سے 1 پستول، کروڑوں روپے مالیت کی کوکین، کیمیکلز اور دیگر نشہ آور مواد برآمد کیا گیا تھا۔
