راولپنڈی ( یو این آئی نیوز ):ملک بھر میں سیلاب سے متاثرہ عوام سے اظہار یکجہتی کے لیے 6 ستمبر کو یوم دفاع و شہداء کی روایتی تقریب ملتوی کر دی گئی۔
آئی ایس پی آر کے ڈائریکٹر جنرل ( ڈی جی) میجر جنرل بابر افتخار کی جانب سے سماجی رابطے کی ویب سائٹ ٹویٹر پر جاری بیان کے مطابق ملک میں آنے والے بدترین سیلاب سے متاثر ہونے والے عوام سے اظہار یکجہتی کے لیے راولپنڈی کے جنرل ہیڈ کوارٹرز (جی ایچ کیو) میں 6 ستمبر کو ہونے والی یوم دفاع و شہدا کی مرکزی تقریب ملتوی کر دی گئی ہے۔
ترجمان پاک فوج کے مطابق پاکستان کی مسلح افواج غیرمعمولی سیلاب سے متاثرہ ہمارے بھائیوں اور بہنوں کی خدمت کا عمل جاری رکھے گی۔
