راولپنڈی ( یو این آئی ):چیف آف آرمی سٹاف جنرل سید عاصم منیر نے کہا ہے کہ پاکستان کے عوام اور اس کی مسلح افواج کے درمیان دوریاںپیدا کرنے اور ان کے مضبوط تعلق کو کمزور کرنے کی ناکام کوششیں کر نے والے انشاء اللہ کبھی کامیاب نہیں ہو سکیں گے۔” پاکستان کی مسلح افواج ہمیشہ پاکستان کے بہادر اور قابل فخر عوام کی مقروض ہیں جنہوں نے ملک کے طول و عرض میں اپنی مسلح افواج سے منفرد محبت کے ذریعے دشمن اور ان کے ساتھیوں کومنہ توڑ جواب دیتے ہوئے ان کے مذموم عزائم کو ناکام بنا دیا ۔
آرمی چیف کوئٹہ گیریژن کے دورے کے موقعہ پر اظہار خیال کر رہے تھے ،
آئی ایس پی آر کے مطابق آرمی چیف جنرل سید عاصم منیر نے گذشتہ روز کوئٹہ گیریژن کا دورہ کیا جہاں انہوں نے کمانڈ اینڈ اسٹاف کالج کوئٹہ کے افسران سے خطاب کیا۔ اپنے خطاب میںپاک فوج کے سربراہ نے روایتی، غیر روایتی اور ففتھ جنریشن وارفیئر کے لیے آپریشنل تیاریوں کی ضرورت پر زور دیا۔
انھوں نے کہا کہ “جو لوگ پاکستان کے عوام اور اس کی مسلح افواج کے درمیان اٹوٹ بندھن کو کمزور کرنے کی ناکام کوششیں کر رہے ہیں وہ انشاء اللہ کبھی کامیاب نہیں ہو سکیں گے۔” پاکستان کی مسلح افواج ہمیشہ پاکستان کے بہادر اور قابل فخر لوگوں کی مقروض ہیں جنہوں نے ملک کے طول و عرض میں اپنی مسلح افواج سے اپنی منفرد محبت کےاظہار کے ذریعے دشمن اور ان کے ساتھیوں کے مذموم عزائم کا منہ توڑ جواب دیا ہے۔
آرمی چیف نے مزید کہا کہ عدم استحکام پیدا کرنے کے لیے اندرونی سازشی عناصر اور بیرونی قوتوں کے درمیان گٹھ جوڑ پاکستانی عوام کے سامنے بے نقاب ہو چکا ہے۔ انھوں نے کہا کہ پاک فوج دنیا کی مضبوط ترین افواج میں سے ایک ہونے کے ناطے اللہ تعالیٰ کے فضل و کرم اور اہل پاکستان کی بے مثال حمایت سے اسے نہ تو کوئی اسے روک سکتا ہے اور نہ ہی کوئی مجبور کر سکتا ہے ، الحمدللہ۔
آرمی چیف نے کوئٹہ گیریژن میں فوجیوں کے لیے مختلف فلاحی اسکیموں کا بھی دورہ کیا۔
قبل ازیں کمانڈر کوئٹہ کور نے آمد پر ان کا استقبال کیا۔
