اسلام آباد:-
وفاقی حکومت نے پیٹرول کی قیمت میں 5 روپے فی لیٹر کی کمی کردی جبکہ ڈیزل کی موجودہ قیمت برقرار،
وزیر خزانہ اسحاق ڈار نے پیٹرولیم مصنوعات کی قیمتوں کا اعلان کیا۔ انہوں نے کہا کہ پیٹرول کی قیمت میں 5 روپے فی لیٹر کمی کی گئی ہے اور نئی قیمت 267 روپے فی لیٹر ہوگی۔
ان کا کہنا تھا کہ ڈیزل کی قیمتیں کسی تبدیلی کے بغیر 280 روپے فی لیٹر پر برقرار رہیں گی، اس کے علاوہ مٹی کے تیل کی قیمت میں فی لیٹر 15 روپے کمی کی جارہی ہے اور مٹی کے تیل کی نئی قیمت 187 روپے 73 پیسے فی لیٹر مقرر کی گئی ہے۔
علاوہ ازیں لائیٹ ڈیزل کی قیمت میں 12 روپے فی لیٹر کمی کی جاری ہے جس کی قیمت 196 روپے 68 پیسے سے کم ہو کر 184 روپے 68 پیسے فی لیٹر مقرر کی گئی ہے ،پیٹرولیم مصنوعات کی نئی قیمتوں کا اطلاق رات 12 بجے سے ہو گیا۔
