اسلام آباد( نیوز ڈیسک)فارن آفس ویمن ایسوسی ایشن کے اہتمام سالانہ چیریٹی بازار کا گذشتہ روز یہاں انعقاد کیا گیاانعقاد کیا گیا۔خاتون اول بیگم ثمینہ علوی نے پفوا چیرٹی بازار کا افتتاح کیا۔مہمان خصوصی، خاتون اول بیگم ثمینہ علوی، پفوا کی پیٹرن ان چیف مسز مہرین قریشی، پفوا کی صدر مسز مہوش سہیل اور سیکرٹری خارجہ سہیل محمود نے پفوا بازار کی افتتاحی تقریب سے خطاب کیا۔مقررین نے پفوا تنظیم کے اغراض و مقاصد اور فلاحی سرگرمیوں پر روشنی ڈالی۔معزز مہمانوں نے پفوا بازار کا دورہ کیا اور مختلف سفارت خانوں کی جانب سے لگائے گئے اسٹالز اور ثقافتی نمائش کو سراہا۔غیرملکی سفارت کاروں اور ان کے اہل خانہ نے چیریٹی بازار میں شرکت کی۔وزارتِ خارجہ کے افسران اور میڈیا نمائندگان کی ایک بڑی تعداد اس بازار میں شریک تھی۔
