اسلام آباد( یو این آئی نیوز) الیکشن کمیشن پر الزامات کے معاملے پر وفاقی وزیر فواد چودھری اور اعظم سواتی کو شو کاز نوٹس جاری، 16 نومبر کو طلب کر لیا گیا۔الیکشن کمیشن ممبر نثار درانی اور شاہ محمد جتوئی پر مشتمل دو رکنی بنچ نے کیس کی سماعت کی۔ وزرا ء کی جانب سے بدستور ہٹ دھرمی کا مظاہرہ اعظم سواتی کی طرف سے آج بھی ان کے معاون وکیل پیش ہوئے جبکہ فواد چودھری نہ خود آئے اور نہ ہی وکیل پیش ہوا۔ ممبرز الیکشن کمیشن نے کہا کہ اعظم سواتی کو ایک نوٹس فواد چودھری کے ساتھ اور دوسرا بابر اعوان کے ساتھ پریس کانفرنس کرنے پر جاری کیا گیا۔ وفاقی وزیراطلاعات و نشریات فواد چوہدری سماعت کے بعد الیکشن کمیشن پہنچے، انھوں نے کہا کہ وہ آج پیش ہونے کے لیے آئے تھے ا لیکن کورٹ ختم ہو چکی تھی۔الیکشن کمیشن نے دونوں وفاقی وزرا کے خلاف کیس کی سماعت 16 نومبر تک ملتوی کر دی۔
