واشنگٹن ( یو این آئی نیوز)امریکی صدر جوبائیڈن سکاٹ لینڈ کے شہر گلاسکو میں عالمی ماحولیاتی کانفرنس میں شرکت کریں گے۔ کانفرنس کا آغاز 31 اکتوبر سے ہو گا۔ کانفرنس کا مقصدعالمی سطح پر ماحولیات کے حوالے سے ابھرتے ہوئے چیلنجز پر غور کے علاوہ ان کے تدارک کے اقدامات پر غور کرنا ہے ۔ عالمی میڈیا کے مطابق امریکی صدر ملک میں گرین انجری کے حوالے سے مراعات متعارف کروا چکے ہیں، اسی تناظر میں کرائے گئے ایک سروے میں ہر 10 میں سے 6امریکی شہریوں نے ماحولیاتی تبدیلیوں پر تشویش کا ا ظہار کیا ہے ۔ اس سروے کے مطابق 55 فیصد امریکی شہریوں نے کانگریس سےماحولیاتی تبدیلیوں کے حوالے سے موثر قانون سازی کا مطالبہ بھی کیا ہے۔ البتہ جوبائیڈن کی جانب سے تجویز کردہ بل میں کوئلے کی صنعت پر کوئی قدغن نہیں لگائی گئی ہے۔
