راولپنڈی ( یو این آئی نیوز)چیف آف آرمی سٹاف جنرل قمر جاوید باجوہ کا دورہ سعودی عرب، کنگ عبد العزیز میڈل آف ایکسیلینس کے اعزاز سے نوازا گیا۔
آئی ایس پی آرکیمطابق آرمی چیف نے جدہ میں سعودی ولی عہد شہزادہ محمد بن سلمان سے ملاقات کی جس میں انہیں باہمی تعلقات کے فروغ کی کاوشوں کے اعتراف پر کنگ عبد العزیز میڈل آف ایکسیلینس شہزا سے نوازا گیا۔
آئی ایس پی آر کے مطابق آرمی چیف اور سعودی ولی عہد کی ملاقات کے دوران سعودی وزیر دفاع اور سعودی چیف آف جنرل اسٹاف بھی موجود تھے جب کہ ملاقات میں باہمی دلچسپی کے امور سمیت دوطرفہ دفاعی و سکیورٹی تعاون پرتبادلہ خیال کیا گیا۔
آئی ایس پی آر کے مطابق ملاقات میں مشترکہ تربیت، فضائی دفاع، انسداد دہشتگردی، مواصلات، انفارمیشن ڈومین کے شعبوں میں دفاعی تعاون سمیت دوستانہ تعلقات اور پائیداراسٹریٹیجک پارٹنرشپ کو فروغ دینے پر بھی اتفاق کیا گیا۔
اس موقع پر آرمی چیف جنرل قمر جاوید باجوہ نے اسلامی دنیا میں سعودی عرب کے منفرد مقام کو سراہتے ہوئے کہا کہ پاکستان سعودی عرب سیے تاریخی اوربرادرانہ تعلقات کو قدرکی نگاہ سے دیکھتا ہے۔
