راولپنڈی ( یو این آئی نیوز)پاکستان نے گذشتہ روز زمین سے زمین تک مار کرنے والے بیلسٹک میزائل شاہین 1 اے کا کامیاب تجربہ کر لیا۔ آئی ایس پی آر کے مطابق تجربے کا مقصد ہتھیاروں کے نظام کے مخصوص ڈیزائن اور تکنیکی پیرامیٹرز کی دوبارہ تصدیق کرنا تھا۔، ڈائریکٹر جنرل اسٹریٹجک پلانز ڈویژن لیفٹیننٹ جنرل ندیم ذکی منج ،چیئرمین نیسکام ڈاکٹر رضا ثمر، کمانڈر آرمی اسٹریٹجک فورسز کمانڈ لیفٹیننٹ جنرل محمد علی اور اسٹریٹجک اداروں کے سائنسدانوں اور انجینئرز نے کامیاب تجربے کا مشاہدہ کیا۔ڈائریکٹر جنرل سٹریٹیجک پلانز ڈویژن نے تجربے کے کامیاب انعقاد پر سائنسدانوں اور انجینئرز کو مبارکباد دی ہے۔ انہوں نے سائنس دانوں اور انجینئروں کی بہترین تکنیکی صلاحیتوں، لگن اور عزم کو سراہا۔دوسری طرف کامیاب تجربے پر صدر مملکت ڈاکٹر عارف علوی،وزیراعظم عمران خان ،آرمی چیف جنرل قمر جاوید باجوہ،چیئرمین جوائنٹ چیفس آف سٹاف کمیٹی جنرل ندیم رضا نے سائنسدانوں اور انجینئرز کو مبارکباد دی ہے۔
