اسلام آباد:(ٰٰ یو این آئی نیوز)
وزیراعظم عمران خان نے کہا ہے کہ صنعتی شعبے کی ترقی سماجی و اقتصادی ترقی کی کلید ہے۔ہم نے ملک میں صنعتوں کے فروغ کے لئے این او سی رجیم( (NOC Regime کی بجائے کمپلائنس رجیم ( Compliance Regime )متعارف کروائی ہے۔ان خیالات کا اظہار انہوں نے وزیر صنعت و پیداوار مخدوم خسرو بختیار کی صنعتکاروں کے وفد کے ہمراہ ملاقات میں کیا۔ملاقات میں ملک کے اندر روزگار کے وسیع مواقع پیدا کرنے کے لیے صنعتی شعبے کی ترقی سے متعلق امور پر تبادلہ خیال کیا گیا۔وزیراعظم نے ملک میں تیزی سے صنعت کاری کے لیے سرمایہ کاروں کو ترغیب دلانے کے لیے ملک میں کاروبار دوست ماحول پیدا کرنے کی ہدایت کی۔وزیر اعظم نے ایس ای سی پی ، سٹیٹ بینک آف پاکستان ، ایف بی آر،بی او آئی اور وزارت خزانہ جیسےتمام متعلقہ اداروں کو صنعتوں کے فروغ کے لیے سازگار ماحول پیدا کرنے کے لیے مل کر کام کرنے کی ہدایت کی۔ملاقات میں معروف صنعتکار میاں انجم نثار اور محمد عرفان نے شرکت کی۔
