کوئٹہ ( یو این آئی نیوز)وزیراعلی بلوچستان جام کمال خان نے عہدے سے استعفی دے دیا۔وزیر اعلی کے استعفے کے بعد صوبائی کابینہ بھی تحلیل ہو گئی ہے ۔ دوسری جانب گورنر بلوچستان نے جام کمال کا استعفی منظور بھی کرلیا ہے۔خیال رہے کہ اپوزیشن سمیت حکومتی جماعت بلوچستان عوامی پارٹی(بی اے پی) کے ناراض اراکین کی جانب سے تحریک عدم اعتماد پیش کیے جانے کے بعد ان سے مسلسل استعفے کا مطالبہ کیا جارہا تھا۔جام کمال خان کے خلاف 20 اکتوبر کو بلوچستان اسمبلی کے اجلاس میں تحریک عدم اعتماد پیش کی گئی تھی۔ 65 اراکین پر مشتمل بلوچستان اسمبلی کے 33 ارکان نے تحریک پیش کرنے کی حمایت کی تھی۔گذشتہ روز بلوچستان اسمبلی نے وزیراعلی کے خلاف تحریک عدم اعتماد پر رائے شماری کی کارروائی کا ایجنڈا بھی جاری کردیا تھا۔ان کے خلاف تحریک عدم اعتماد کی قرارداد پر رائے شماری کل 25 اکتوبر کوہونا تھی۔لیکن جام کمال نے مطلوبہ اکثریت نہ ہونے کا یقین ہونے کے باعث تحریک عدم اعتماد پر رائے شماری سے ایک روز قبل ہی اپنے عہدے سے استعفی دیدیا ،
