اسلام آباد (یو این آئی نیوز)ترک صدر رجب طیب اردوغان کا امریکا اور کینڈاسمیت 10 ممالک کے سفیروں کو ناپسندیدہ قرار دینے کا حکم،ترک صدر طیب اردوان کا کہنا تھا کہ جن سفیروں کو ترکی کی سمجھ نہیں آ رہی تو انھیں ملک چھوڑ دینا چاہیے، غیر ملکی خبر رساں ادارے کے مطابق ناپسندیدہ قرار دیے جانے والے ملکوں کے سفیروں میں امریکااورکینیڈا کے علاوہ فرانس، ڈنمارک، فن لینڈ، ہالینڈ، نیوزی لینڈ، ناروے اور سویڈن شامل ہیں ۔ ان سفیروں نے غداری اور بغاوت کے مقدمات کاسامنا کرنے والے عثمان کوالا کی حمایت میں بیان دیا تھا جس کے پیش نظر ترک صدر کا یہ اقدام سامنے آیا ہے۔عثمان چار سال سے بغاوت کی کوشش اور حکومت کے خلاف لوگوں کو مظاہروں پر اکسانے جیسے الزامات میں جیل میں ہیں تاہم ابھی تک کسی عدالت نے اسے مجرم قرارنہیں دیا ۔
