اسلام آباد ( یو این آئی نیوز )گزشتہ چوبیس گھنٹوں کے دوران کورونا وائرس کے باعث سندھ کے بعد خیبرپختونخوا میں سب سے زیادہ اموات ریکارڈ کی گئیں۔ ملک بھر میں گزشتہ چوبیس گھنٹوں کے دوران کورونا وائرس سے 18 اموات ہوئیں جن میں سے 6 اموات وینٹیلیٹرز پر موجود مریضوں کی تھیں۔نیشنل کمانڈ اینڈ آپریشن سینٹر ( این سی او سی ) کی طرف سے جاری اعدادو شمار کے مطابق گزشتہ 24 گھنٹوں کے دوران ملک بھر میں 591 افراد کے کوویڈ۔ 19 ٹیسٹ مثبت آئے۔ملک کے 4 بڑے شہروں میں وینٹیلیٹرز پر کوویڈ۔ 19 کے مریضوں کے تناسب کے لحاظ سے پشاور میں 22 فیصد,لاہور میں 22 فیصد،ملتان میں 40 فیصد اور سرگودھا میں 25 فیصد مریض ہیں۔اسی طرح سے ملک کے چار بڑے شہروں میں آکسیجن کی سہولیات والے بستروں پر کورونا کے مثبت کیسز کے تناسب کے لحاظ سے ملتان میں 40 فیصد،بنوں میں 27 فیصد،صوابی میں 29 فیصد اور گجرات میں 21 فیصد مریض ہیں۔گزشتہ 24 گھنٹوں کے دوران کوویڈ۔19 کے 43 ہزار 522 ٹیسٹ کیے گئے جن میں سے سندھ میں 11 ہزار 975, پنجاب میں 16 ہزار 845، خیبرپختونخوا میں 9 ہزار 975،اسلام آباد میں 3 ہزار 488، بلوچستان میں 497,گلگت بلتستان میں 442 ٹیسٹس, آزاد کشمیر میں 300 ٹیسٹ شامل ہیں۔ اب تک ملک بھر میں کویوڈ۔19 سے صحتیاب ہونے والوں کی تعداد 12 لاکھ 16 ہزار 242 ہو چکی ہے۔ بلوچستان,آزاد کشمیر اور گلگت بلتستان میں کوویڈ۔19 کا کوئی بھی مریض اس وقت وینٹیلیٹر پر نہیں ہے جبکہ ملک بھر میں کووڈ۔19 کے لیے مختص وینٹیلیٹرز پر 222 مریض ہیں۔ ملک بھر میں کووڈ۔19 کے ایکٹو کیسز کی تعداد 23 ہزار 917 ہے۔ ملک بھر میں کورونا وائرس سے متاثرہ افراد کی تعداد 12 لاکھ 68 ہزار 536 ہے جن میں سے آزاد کشمیر میں 34 ہزار 435, بلوچستان میں 33 ہزار 185, گلگت بلتستان میں 10 ہزار 383, اسلام آباد میں 1 لاکھ 6 ہزار 679، خیبر پختونخوا میں 1 لاکھ 77 ہزار 440،پنجاب میں 4 لاکھ 38 ہزار 989 اور سندھ میں 4 لاکھ 67 ہزار 425 مریض ہیں۔ملک بھر میں کورونا وائرس سے جاں بحق ہونے والوں کی تعداد 28 ہزار 377 ہو چکی ہے۔جن میں سے سندھ میں 7 ہزار 548 اموات جبکہ گزشتہ چوبیس گھنٹوں کے دوران 6 مریض ہسپتالوں میں جبکہ 2 مریض گھروں میں قرنطینہ کے دوران اس وائرس سے جاں بحق ہوئے، پنجاب میں 12 ہزار 895 اموات جبکہ گزشتہ چوبیس گھنٹوں کے دوران 3 مریض ہسپتالوں میں جبکہ 1 مریض گھر میں قرنطینہ کے دوران اس وائرس سے جاں بحق ہوا،خیبر پختونخوا میں 5 ہزار 715 اموات جبکہ گزشتہ چوبیس گھنٹوں کے دوران 5 مریض ہسپتالوں میں اس وائرس سے جاں بحق ہوئے،اسلام آباد میں کل 938 اموات،بلوچستان میں کل 355 اموات جبکہ گزشتہ چوبیس گھنٹوں کے دوران ایک مریض ہسپتال میں اس وائرس سے جاں بحق ہوا، گلگت بلتستان میں 186 اموات، آزاد کشمیر میں اس وائرس سے 740 اموات ہو چکی ہیں۔اب تک ملک بھر میں کوویڈ۔19 کے 2 کروڑ 4 لاکھ 88 ہزار 58 ٹیسٹ کیے جا چکے ہیں۔ملک بھر میں کوویڈ۔19 کے علاج کیلئے مختص 640 ہسپتالوں میں 1 ہزار 679 مریض زیر علاج ہیں۔
