اسلام آباد( یو این آئی نیوز) وزیراعظم عمران خان نے سوشل میڈیا پر تحریک انصاف کی حکومت کے خلاف کمنٹ کرنے پر سینئر جوائنٹ سیکرٹری کابینہ ڈویژن حماد شمیمی کے خلاف انکوائری کا حکم دے دیا۔وزیرِ اعظم عمران خان کی جانب سے جاری کیئے گئے آرڈر کے متن کے مطابق سیکرٹری اسٹیبلشمنٹ نے گریڈ 21 کے افسر حماد شمیمی کے خلاف انکوائری ڈی جی ایف آئی اے ثنااللہ عباسی کریں گے۔وزیراعظم کے احکامات کے بعد الزامات کا متن اور تحقیقات کے لیے نوٹیفکیشن بھی جاری کردیا گیا ہے۔آرڈر کے متن میں کہا گیا ہےکہ گریڈ 21 کے افسرنے سوشل میڈیا بیان میں حکومت پرتنقید کی تھی اور سرکاری افسر نے اپنے بیان میں پی ٹی آئی کو طالبان کی حکومت سے تشبیہ دی تھی۔انکوائری آرڈر کے مطابق سرکاری افسر نے کمنٹ کیا تھا کہ ’پی ٹی آئی اور طالبان میں ایک مشابہت یہ بھی کہ دونوں حکومت ملنے کے بعد سوچ رہے ہیں کہ اسے چلانا کیسے ہے اور دونوں کی امیدوں کا مرکزآبپارہ ہی ہے‘۔وزیراعظم کے احکامات کی روشنی میں سرکاری افسر کے خلاف انکوائری انکوائری ساٹھ یوم میں مکمل کی جائے گی۔۔۔
